Matewu 6:33 - Siswati 1996 Bible

³³ Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Matewu 6:33 Cross References

1 Emakhosi 17:13

Kodvwa Elija watsi kuye: “Ungesabi. Hamba wente njengobe ushito, kodvwa ubocala wentele mine kucala licebelengwane lelincane lesinkhwa, kuloko lonako, bese ukuletsa lapha kimi. Emvakwaloko-ke bese utentela wena nendvodzana yakho.

Tihlabelelo 112:3

Ingcebo nemfuyo kusendlini yakhe, kulunga kwakhe kume kuze kube phakadze.

Tihlabelelo 37:25

Bengingumntfwana, manje sengimdzala, angizange sengimbone lolungile alahliwe, ngisho nebantfwabakhe abahambi bacela kudla.

Tihlabelelo 37:3

Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.

Taga 10:3

Simakadze akavumi kutsi lolungile alambe; kodvwa lababi uyabavimba kutsi bakutfole loko labakufunako.

Taga 28:10

Lowo loholela lolungile endleleni lembi kuyawubanjwa yena kulolo lugibe. Lolungile uyawuvuzwa kakhulu.

Taga 8:18

batfola ngami ingcebo neludvumo, babutfole ngami bunjinga lobungapheli kanye nekuchuma.

Umshumayeli 10:2

Inhlitiyo yalohlakaniphile ibheke ekulungeni, kodvwa yesilima ibuke ebubini.

Isaya 26:9

Umphefumulo wami ulangatelela wena ebusuku; ekuseni umoya wami ulangatelela wena. Ngesikhatsi tehlulelo takho tehlela etikwemhlaba, tive temhlaba tifundza kulunga.

Isaya 33:6

Utawuba sisekelo sakho lesingusonasona ngawo onkhe emalanga akho, abe lifa lakho lensindziso, nelekuhlakanipha, nelwati. Kwesaba Simakadze kungumcebo wakhe.

Isaya 45:24

Bayawukhuluma ngami, batsi: ‘KuSimakadze kuphela kunekulunga nemandla.’ ” Bonkhe labemelene naye bayawuta kuye badliwe ngemahloni.

Jeremiya 23:6

Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Matewu 19:29

Wonkhe lodzele tindlu, nome bomnakabo, nome bodzadzewabo, nome uyise, nome unina, nome bantfwana, nome emasimi ngenca yami, uyakwemukela ngalokuphindvwe kanyenti, adle nelifa lekuphila lokuphakadze.

Matewu 3:2

atsi: “Phendvukani, ngobe umbuso welizulu sewusondzele.”

Matewu 4:17

Kusukela ngaleso sikhatsi Jesu wacala kushumayela watsi: “Phendvukani, ngobe umbuso welizulu sewusondzele.”

Matewu 5:6

Babusisiwe labalambele bomele kulunga, ngobe bayakwesutsiswa.

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Lukha 12:31

Esikhundleni saloko, funani umbuso wakhe, khona-ke tonkhe letintfo titawuba tenu.”

Johane 5:4

Bekuvame njalo kutsi kwehle ingilosi yeNkhosi, ifike iwatamatamise lamanti. Bekutsi lowo longene kucala emuva kwekutanyatanyiswa kwemanti, aphile esifeni sakhe, nome ngabe saluphi luhlobo.]

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

Imisebenti yebaPhostoli 20:25

“Bengihamba emkhatsini wenu nonkhe ngishumayela ngembuso waNkulunkulu. Manje-ke sengiyati kutsi kute namunye wenu loyawuphindze abone buso bami.

Imisebenti yebaPhostoli 28:31

Abeshumayela ngembuso waNkulunkulu, afundzisa ngeNkhosi Jesu Khristu akhuluma ngesibindzi nangekukhululeka lokukhulu.

KubaseRoma 1:17

Ngobe liVangeli lembula kutsi Nkulunkulu wenta kanjani kutsi bantfu balungelane naye: Kungekukholwa, kusuka ekucaleni kuye ekugcineni, njengobe umBhalo utsi: “Lolungile ngekukholwa utawuphila.”

KubaseRoma 10:3

Ngobe ngekungakwati kahle kulunga lokuvela kuNkulunkulu, bafuna kutimisela lokungekwabo kulunga, abazange batinikele ngekutfobeka ekulungeni kwaNkulunkulu.

KubaseRoma 14:17

Ngobe umbuso waNkulunkulu awusiko kudla nekunatsa, kepha ukulunga, nekuthula, nekujabula kuMoya Longcwele.

KubaseRoma 8:31

Siyawutsini-ke ngaloku? Nangabe Nkulunkulu angakitsi ngubani longamelana natsi?

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

1 kubaseKorinthe 3:22

Nome nguPawula, nome ngu-Apolosi, nome nguKhefase, nome live, nome kuphila, nome kufa, nome ngulokukhona, nome ngulokusetawuba khona, konkhe kwenu.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

KubaseFiliphi 3:9

ngitfolakale kuye ngite ngisho nalokuncane kulunga lokukwami, lokutfolakala ngekwenta lokufunwa ngumtsetfo. Kepha ngifuna kutfolakala nginekulunga lokuya ngekukholwa nguKhristu, ngisho kulunga lokutfolakala kuNkulunkulu ngekukholwa.

2 kubaseThesalonika 1:5

Loku kusibonelo lesikhanyako ngekwehlulela kwaNkulunkulu lokunekulunga, nize nitfolakale ningulabafanele umbuso waNkulunkulu wona lowo leniwuhluphekelako.

1 kuThimothi 4:8

Ngobe kwetayeta umtimba ngekwelula imisipha kunenzuzo kwesikhashana nje, kodvwa kumesaba Nkulunkulu kunenzuzo etintfweni letinyenti, ngobe kucuketse setsembiso semphilo yamanje kanye nesemphilo letako.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

2 yaPhetro 1:11

kodvwa niyawunikwa lilungelo leliphelele lekungena embusweni waphakadze weNkhosi neMsindzisi wetfu Jesu Khristu.