Matewu 6:16 - Siswati 1996 Bible

¹⁶ “Futsi-ke nanizila kudla, ningabunyukumalisi buso benu njengebatentisi, ngobe bona banyukumalisa buso babo, kuze batekubonakalisa kubantfu kuzila kwabo. Ngicinisile, ngitsi kini: Sebawemukele umvuzo wabo.

Matewu 6:16 Cross References

2 Samuweli 12:16

Davide wancengela lomntfwanakhe kuNkulunkulu. Wazila, wangena endlini yakhe, walala phansi emhlabatsini busuku ngebusuku.

2 Samuweli 12:21

Tinceku takhe tambuta tatsi: “Ukwentelani loku? Ngesikhatsi lomntfwana asaphila, wazila, wakhala, kodvwa nyalo, njengobe lomntfwana asafile, usukume wadla!”

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

Nehemiya 1:4

Ngatsi nangikuva loko, ngahlala phansi ngakhala. Kwaphela emalanga ngilila ngizila nekudla ngithandaza kuNkulunkulu wasezulwini,

Esta 4:16

“Hamba uhlanganise onkhe emaJuda laseSusa, nizile ningithandazele. Ningadli kudla, ninganatsi nemanti kuze kube ngemalanga lamatsatfu nebusuku bawo. Nami netincekukati tami sitawuzila njengani. Emvakwaloko ngitawuvele ngitidzikele, ngingene enkhosini, nome loko kuphambene nemtsetfo. Nangabe ngiyafa, ngife kube kanye.”

Tihlabelelo 109:24

Emadvolo ami ayaceka ngenca yekuzila kudla, umtimba wami wonkhe uyesabeka.

Tihlabelelo 35:13

Kantsi nakugula bona, mine ngembatsa inzilo; umphefumulo wami ngawugongonya ngekuzila, noko ngacinisela ekuthandazeni.

Tihlabelelo 69:10

Ngakhala emphefumulweni wami, ngazila, kwaba yinhlamba labangetfuka ngayo.

Danyela 9:3

Ngako ngagucukela kuSimakadze longuNkulunkulu ngamncenga ngemthandazo nangekuncusa ngizila kudla, ngembatse emasaka, ngatitsela ngemlotsa.

Malakhi 3:14

“Nine nitsite: ‘Akunamsebenti kukhonta Nkulunkulu. Yini nje lesiyizuzile ngekwenta lakufunako nangekuhamba njengebantfu labalilako embikwaSimakadze longuSomandla?

Matewu 6:1

“Kepha caphelani ningakwenti kulunga kwenu embikwebantfu ngenhloso yekutsi nibonwe ngibo, funa nibete umvuzo kuYihlo losezulwini.

Matewu 6:2

“Ngako-ke nawupha lutfo kumuntfu loswele, ungamemeteli, njengobe kwenta batentisi emasinagogeni nasetitaladini, khona batewudvunyiswa bantfu. Ngicinisile, ngitsi kini: Sebawemukele umvuzo wabo.

Matewu 6:5

“Nanithandazako, ningalingisi batentisi; ngobe batsandza kuthandaza bemile emasinagogeni, nasemajikeni etitaladi, kuze batekubonwa bantfu. Ngicinisile, ngitsi kini: Sebavele bawutfolile umvuzo wabo.

Makho 2:18

Ngesikhatsi bafundzi baJohane uMbhabhatisi kanye nebaFarisi bazile kudla, labanye bantfu beta kuJesu bambuta batsi: “Bafundzi baJohane kanye nebebaFarisi bayakuzila kudla. Kwentiwa yini kutsi laba bakho bangazili?”

Lukha 18:12

Ngizila kudla emalanga lamabili ngeliviki ngikunika kwelishumi kwako konkhe lengikwemukelako.’

Lukha 2:37

nyalo-ke abengumfelokati waze waba neminyaka lengema-84 budzala. Abehlale ethemphelini, akhonta, azila kudla, athandaza imini nebusuku.

Imisebenti yebaPhostoli 10:30

Khoneliyuse waphendvula watsi: “Kwakucishe kube ngito letikhatsi kutsanti kwayitolo ngesikhatsi ngithandaza endlini yami ngeli-awa lesitsatfu ntsambama ngabona indvodza yembetse tingubo letikhatimulako ime embikwami

Imisebenti yebaPhostoli 14:23

Kulelo nalelo bandla babakhetsela babonisi, ngemithandazo nangekuzila babaletsa eNkhosini labayikholwako.

1 kubaseKorinthe 7:5

Ningagodlelani, kuphela kube kwesikhatsi lesitsite nje, kuye ngekuvumelana kwenu kutsi nitfole litfuba lekuthandaza kahle, nibuye nihlangane futsi, kuze Sathane anganilingi ngekwehluleka kwenu kutibamba.

2 kubaseKorinthe 11:27

Ngasebenta kakhulu ngidvonsa matima. Bengike ngicwashe ngingalali, ngilambe, ngome, ngeswele kudla, ngiphatfwe lichwa, ngeswele nekwekwembatsa.

2 kubaseKorinthe 6:5

nasekushayweni, nasekufakweni ejele, nasetiphitsiphitsini, nasekukhandlekeni, nasekucwasheni, nasekulaleni ngendlala,