Matewu 6:11 - Siswati 1996 Bible

¹¹ Siphe lamuhla kudla kwetfu njengasemalangeni onkhe.

Matewu 6:11 Cross References

Jobe 23:12

Angikesuki emiyalweni yetindzebe takhe. Emavi emlomo wakhe ngiwente aba ligugu kwendlula kudla kwami kwemalanga onkhe.

Tihlabelelo 34:10

Ngisho nemabhongwana emabhubesi ayeswela alambe, kodvwa labo labafuna Simakadze bangeke beswele lutfo loluhle.

Taga 30:8

Ngisindzise ekukhulumeni emanga. Buphuya nebunjinga ungangiphi, kodvwa umane ungiphe lengikudzingako.

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Matewu 4:4

Jesu waphendvula watsi: “Kubhaliwe kutsi: “ ‘Umuntfu angeke aphile ngesinkhwa sodvwa, kodvwa uphila ngawo onkhe emavi laphuma emloyeni waNkulunkulu.’ ”

Lukha 11:3

Siphe lamuhla kudla kwetfu njengasemalangeni onkhe.

2 kubaseThesalonika 3:12

Bantfu labanjalo siyabayala sibakhutsata eNkhosini Jesu Khristu kutsi abatiphatse kahle bente imisebenti yabo, kuze badle titfukutfuku tabo.

1 kuThimothi 6:8

kodvwa nasinekudla nekwekwembatsa, aseneliseke.

Ruthe 1:6

Emvakwaloko Nawomi weva kutsi Simakadze ubabusisile bantfu bakubo ngekubapha inala. Ngako-ke wavele watilungiselela kuhamba nalaba bomalukatane bakhe.