Matewu 5:33 - Siswati 1996 Bible

³³ “Nivile futsi kutsi kubakadzeni kwatsiwa: ‘Ungawafungeli emanga, kepha feza tifungo takho eNkhosini.’

Matewu 5:33 Cross References

Tihlabelelo 50:14

Nikela kuNkulunkulu umnikelo wekubonga, ugcine tetsembiso takho kuLosetikwako Konkhe.

Tihlabelelo 76:11

Yentani tetsembiso netifungo tenu kuSimakadze longuNkulunkulu wenu, nitigcwalise. Bonkhe labasedvute naye abaletse tipho kulowo lofanele kwesatjwa.

Eksodusi 20:7

“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.

Levithikusi 19:12

Ningalifungeli lite libito lami, ningalihlambalati libito laNkulunkulu wenu. NginguSimakadze.

Nahume 1:15

Bukani lapha etikwetintsaba, tinyawo talowo loniletsela tindzaba letimnandzi, lowo lomemetela kuthula. Gubhani imikhosi yenu, nine maJuda, nigcwalise tifungo tenu. Sekute lababi labayakunihlasela. Bayawubhubha bonkhe baphele.

Matewu 5:21

“Nivile kutsi kwatsiwa kubakadzeni: ‘Ungabulali, ngobe lowo lobulalako uyawulahlwa licala.’

Matewu 5:27

“Nivile kutsi kwatsiwa: ‘Ungaphingi.’

Dutheronomi 23:21

“Nawenta setsembiso kuSimakadze Nkulunkulu wakho, ungephutisi kutsi usifeze, ngobe Simakadze Nkulunkulu wakho uyakusibita kuwe kutsi usikhiphe, bese uba nelicala lesono.

Dutheronomi 23:23

Konkhe loke wakuphumisela ngemlomo wakho bani neliciniso kutsi uyakwenta, ngobe wente setsembiso sakho ngekukhululeka kuSimakadze Nkulunkulu wakho, wasenta ngewakho umlomo.

Dutheronomi 5:11

“ ‘Ungalisebentiseli lite libito laSimakadze Nkulunkulu wakho, ngobe Simakadze angeke ahlale angambeki licala lowo lolisebentisa ngelite libito lakhe.

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

1 kuThimothi 1:10

wabekelwa netingwadla, netiphingi, nalabadvuna labalalanako, nebatfumbi bebantfu, nalabacala emanga, nabofakazi bemanga, nalabenta nome ngabe yini lephambene nemfundziso lengiyo.