Matewu 5:19 - Siswati 1996 Bible

¹⁹ Ngako-ke lowo lowephula munye kulemiyalo lemincanyana, aphindze afundzise labanye kanjalo, uyakuba ngulomncane embusweni welizulu; kepha loyigcinako ayifundzise, lowo kuyawutsiwa mkhulu embusweni welizulu.

Matewu 5:19 Cross References

Tihlabelelo 119:128

Ngako-ke tinyatselo tami ngiticondzisa ngato tonkhe timiso takho; ngiyatitondza tindlela letimbi.

Tihlabelelo 119:6

Nangingayigcina yonkhe imiyalo yakho, ngingeke ngihlazeke.

Danyela 12:3

Labo labahlakaniphile bayawucwebetela njengekumanyatela kwemazulu, nalabo labaholele labanye ekulungeni, bakhanye njengetinkhanyeti kuze kube nguphakadze naphakadze.

Matewu 11:11

“Ngicinisile, ngitsi kini: Kubo bonkhe labake baba khona emhlabeni kute lowake waba mkhulu kunaJohane uMbhabhatisi; kepha lomncane embusweni welizulu mkhulu kunaye.

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Matewu 20:26

Akunjalo-ke lapha kini, kodvwa wonkhe umuntfu lofuna kuba mkhulu emkhatsini wenu, akabe sikhonti senu,

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 11:42

“Kodvwa maye kini, baFarisi! Ngobe nikhipha kwelishumi kwashaladi, napelepele, netinandzisi tonkhe nivilaphele kulunga nekutsandza Nkulunkulu; loko benifanele kukwenta ngaphandle kwekukuvilaphela loku.

Lukha 9:48

Wase utsi kubo: “Umuntfu lowemukela lomntfwana ngelibito lami, wemukela mine; nalowo lowemukela mine, wemukela lowo longitfumile. Ngobe lowo lomncane kakhulu kunani nonkhe, nguye lomkhulu kunani nonkhe.”

Imisebenti yebaPhostoli 1:1

Tiyofilusi, Encwadzini yami yekucala ngabhala ngako konkhe Jesu lacala kukwenta nekukufundzisa,

KubaseRoma 3:8

Pho, akushiwo ngani-ke kutsi: “Asente lokubi, khona kutawuvama lokuhle”? Labanye bantfu, badzimate bangetfuka ngekungibeka licala ngekutsi ngikhuluma kanjalo! Bayawulahlwa njengobe kufanele.

KubaseRoma 6:1

Pho, siyawutsini-ke? Kufanele yini sichubeke siphile esonweni kuze kwandze umusa?

KubaseRoma 6:15

Pho-ke, sitakona yini, ngobe singekho ngaphansi kwemtsetfo, singaphansi kwemusa? Cha, ngeke.

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

Dutheronomi 27:26

“ ‘Ucalekisiwe umuntfu longawemukeli emavi alomtsetfo ngekutsi awente.’ “Bonkhe bantfu bayawuphendvula batsi: ‘Amen.’ ”

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

kuThithusi 3:8

Lelivi licinisile. Ngifisa kutsi ukugcizelele loku, kuze labo labakholwe kuNkulunkulu bakhutsalele kwenta imisebenti lemihle. Loku kuhle, futsi kunelusito kubantfu.

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.

1 yaJohane 3:4

Wonkhe umuntfu lowenta sono wephula umtsetfo, ngobe sono sikwephula umtsetfo.

Sembulo 2:20

Kodvwa tsine nawe sehlukana la ekutseni wena uyamvumela lomfati longuJezebeli, lotibita ngekutsi ungumphrofethikati, edukise tinceku tami ngekutifundzisa buphingi, nebugwadla, nekudla kudla lokuhlatjelwe tithico.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.