Matewu 5:18 - Siswati 1996 Bible

¹⁸ “Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe.

Matewu 5:18 Cross References

Tihlabelelo 102:26

Kuyakwendlula konkhe, wena uhlale unjalo nje, konkhe kuyawuguga njengengubo. Yebo, njengengubo uyawukugucula kusakateke.

Tihlabelelo 111:8

Ayinawugucuka phakadze naphakadze, yentiwa ngeliciniso nangekulunga.

Tihlabelelo 119:152

Timiso takho ngatifundza kadzeni, watimisa ingunaphakadze.

Isaya 40:8

Tjani buyabuna, netimbali tiyahhohloka, kodvwa livi laNkulunkulu wetfu limile kuze kube nguphakadze.”

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Isaya 51:6

Phakamiselani emehlo enu emazulwini, niwubuke nemhlaba phansi; emazulu ayawunyamalala njengentfutfu, nemhlaba uguge njengengubo, nalabahlala kuwo bafe njengetimphungane. Kodvwa insindziso yami iyawukhonsa phakadze naphakadze, kulunga kwami ngeke kuphele.

Matewu 10:15

Ngicinisile, ngitsi kini: Kuyawuba ncono eveni laseSodoma nelaseGomora ngelilanga lekwehlulela kunakulowo muti.”

Matewu 10:23

Nabanitingela kulelinye lidolobha, nibobalekela kulelinye; ngobe ngicinisile, ngitsi kini: Ningeke niwacedze onkhe emadolobha aka-Israyeli, iNdvodzana yemuntfu ingakabuyi.

Matewu 10:42

Ngulowo nalowo loyawunatsisa abe munye kulaba labancane nome yinye nje inkomishi yemanti, ngobe angumfundzi wami, ngicinisile, ngitsi kini: Ngeke alahlekelwe ngumvuzo wakhe.”

Matewu 11:11

“Ngicinisile, ngitsi kini: Kubo bonkhe labake baba khona emhlabeni kute lowake waba mkhulu kunaJohane uMbhabhatisi; kepha lomncane embusweni welizulu mkhulu kunaye.

Matewu 13:17

Ngobe ngicinisile, ngitsi kini: Banyenti baprofethi nebantfu labalungile lababefisa kubona loku lenikubonako, kodvwa abazange bakubone; futsi babefisa kuva loku lenikuvako, kodvwa abazange bakuve.”

Matewu 16:28

Ngicinisile, ngitsi kini: Kukhona labanye la emkhatsini wenu labangeyikuva kufa, badzimate bayibone iNdvodzana yeMuntfu ita embusweni wayo.”

Matewu 17:20

Jesu wabaphendvula watsi: “Kwentiwe kutsi nine ninekukholwa lokuncane, ngobe ngicinisile, ngitsi kini: Naningaba nekukholwa lokuncane lokungangenhlavu yendlulamitsi, ningatsi kulentsaba: ‘Suka la, uye lapha,’ ivele isuke. Kute lokungete kwenteka kini. [

Matewu 18:18

“Ngicinisile, ngitsi kini: Konkhe leniyakubopha lapha emhlabeni kuyawube kuboshiwe nasezulwini; nako konkhe leniyakukhulula lapha emhlabeni kuyawube kukhululiwe nasezulwini.

Matewu 18:3

watsi: “Ngicinisile, ngitsi kini: Naningaphendvuki nibe njengebantfwana, ningeke ningene embusweni welizulu.

Matewu 19:23

Kepha Jesu watsi kubafundzi bakhe: “Ngicinisile, ngitsi kini: Kulukhuni kumuntfu lonjinge kakhulu kungena embusweni welizulu.

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Matewu 21:21

Jesu wabaphendvula watsi: “Ngicinisile, ngitsi kini: Naninekukholwa ningangabati, ngeke nente emkhiwaneni kuphela, kodvwa nome nitsi kulentsaba: ‘Cukuleka, uye ujikeke elwandle,’ kuyakwenteka.

Matewu 21:31

Ngumuphi-ke emkhatsini wabo bobabili lowenta intsandvo yeyise?” Baphendvula batsi: “Ngulona wesibili.” Wase utsi: “Ngicinisile, ngitsi kini: Batselisi, netingwadla, netiphingi bayanengcelela embusweni waNkulunkulu.

Matewu 23:36

Ngicinisile, ngitsi kini: Konkhe loku kuyakwehlela etikwalesitukulwane.”

Matewu 24:2

Kepha waphendvula watsi: “Angitsi, niyakubona konkhe loku? Nginitjela ngitsi: Kute ngisho nalinye litje leliyawusala lihleti etikwalelinye lingakadzilitelwa phansi.”

Matewu 24:47

Ngicinisile, ngitsi kini: Iyawusimisa ngetulu kwako konkhe lenako lenkhosi.

Matewu 25:12

Kodvwa umyeni waphendvula watsi: ‘Ngicinisile, ngitsi kini: Anginati.’

Matewu 25:40

INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’

Matewu 25:45

INkhosi iyawubaphendvula itsi: ‘Ngicinisile, ngitsi kini: Loko leningakwentanga kulomunye walaba labancane, anikwentanga kimi.’

Matewu 5:26

Ngicinisile, ngitsi: Ungeke usaphuma lapho ungakakhiphi isenti yekugcina.”

Matewu 6:16

“Futsi-ke nanizila kudla, ningabunyukumalisi buso benu njengebatentisi, ngobe bona banyukumalisa buso babo, kuze batekubonakalisa kubantfu kuzila kwabo. Ngicinisile, ngitsi kini: Sebawemukele umvuzo wabo.

Matewu 6:2

“Ngako-ke nawupha lutfo kumuntfu loswele, ungamemeteli, njengobe kwenta batentisi emasinagogeni nasetitaladini, khona batewudvunyiswa bantfu. Ngicinisile, ngitsi kini: Sebawemukele umvuzo wabo.

Matewu 8:10

Jesu nakuva loko, wamangala, watsi kulaba babemlandzela: “Ngicinisile, ngitsi kini: Ngisho naka-Israyeli angizange sengikutfole kukholwa lokunje.

Makho 10:15

Ngicinisile, ngitsi kini: Lowo longawemukeli umbuso waNkulunkulu njengemntfwana, angeke angene kuwo.”

Makho 10:29

Jesu watsi: “Ngicinisile, ngitsi kini: Lowo loshiye umuti, nome bomnakabo, nome bodzadzewabo, nome unina, nome uyise, nome bantfwana, nome emasimi, ngenca yami nangenca yeliVangeli,

Makho 11:23

Ngicinisile, ngitsi kini: Nome ngubani loyawutsi kulentsaba: ‘Cukuleka uyewuphonseka le elwandle,’ angangabati enhlitiyweni yakhe, kodvwa akholwa kutsi loko lasakushito kutakwenteka, uyakwentelwa kona.

Makho 12:43

Jesu wabita bafundzi bakhe watsi kubo: “Ngicinisile, ngitsi kini: Lomfelokati lophuyile unikele kakhulu kunabo bonkhe.

Makho 13:30

“Ngicinisile, ngitsi kini: Lesitukulwane singeke sendlule kungakenteki konkhe loku.

Makho 14:18

Batsi basadla, Jesu watsi kubo: “Ngicinisile, ngitsi kini: Lomunye emkhatsini wenu, nine lenidla kanye nami, utangitsengisa.”

Makho 14:25

Ngicinisile, ngitsi kini: Angeke ngiphindze nginatse kulesitselo semvini, kuyawudzimate kube ngulelo langa nase ngisinatsa sisisha embusweni waNkulunkulu.”

Makho 14:30

Jesu watsi kuye: “Ngicinisile, ngitsi kuwe: Kubo lobusuku balamuhla, lichudze litawutsi lingakakhali kwesibili, wena utabe sewungiphike katsatfu.”

Makho 14:9

Ngicinisile, ngitsi kini: Nome kukuphi lapho liVangeli liyawushunyayelwa khona emhlabeni wonkhe, loku lakwentile kuyawuba sikhumbuto ngaye.”

Makho 3:28

“Ngiyacinisa ngitsi kini: Tonkhe tono tebantfu tiyawutsetselelwa, nome ngabe sebahlambalate kangakanani;

Makho 6:11

Nakukhona lapho banganemukeli khona bangavumi nekunilalela, nibobashiya nihambe, nitsintsitse lutfuli etinyaweni tenu, kuze kube bufakazi bekunala kwabo.”

Makho 8:12

Jesu wabubula ngalokujulile emoyeni wakhe watsi: “Lesitukulwane sisifunelani sibonakaliso? Ngicinisile, ngitsi kini: Kute nasinye sibonakaliso lesiyawukhonjiswa kulesitukulwane.”

Makho 9:1

Jesu waphindza watsi: “Ngicinisile, ngitsi kini: Bakhona labeme lapha emkhatsini wenu labangayikubona kufa bangakaboni Nkulunkulu abusa ngemandla.”

Makho 9:41

Ngicinisile, ngitsi kini: Lowo loyakuninatsisa nome yinkomishi yinye nje yemanti, ngobe ningebaKhristu, nakanjani uyakwemukela umvuzo wakhe.”

Lukha 11:51

kusukela ekucitfweni kwengati ya-Abela kuze kufike ekucitfweni kwengati yaZakhariya, lowabulawa emkhatsini welilati nendzawo lengcwele. Yebo, ngiyanitjela, iyawubitwa kulesitukulwane.

Lukha 12:37

Maye, tibusisekile leto tisebenti letiyakukhandvwa ngumnumzane wato tilindzele tingakalali! Ngicinisile, ngitsi kini, uyawubopha acinise libhande lakhe elukhalweni, atihlalise phansi, atiphe kudla.

Lukha 13:35

Buka-ke manje likhaya lakho selilahliwe, ngiyakutjela kutsi, ungeke usangibona, kuze kufike sikhatsi lapho uyawutsi: ‘Ubusisiwe lotako egameni leNkhosi.’ ”

Lukha 16:17

kodvwa kulula kutsi lizulu nemhlaba kwendlule kunekutsi lichashatana lemtsetfo lendlule liphele.

Lukha 18:17

Ngicinisile, ngitsi kini: Longawemukeli umbuso waNkulunkulu njengemntfwana, angeke angene kuwo.”

Lukha 18:29

Jesu watsi kubo: “Empeleni wonkhe loshiya likhaya lakhe, nome umfati wakhe, nome bomnakabo, nome batali bakhe, nome bantfwabakhe ngesimanga sembuso waNkulunkulu,

Lukha 23:43

Jesu watsi kuso: “Ngikutjela kutsi: Lamuhla utakuba nami ePharadisi.”

Lukha 4:24

Jesu wachubeka watsi: “Ase nginitjele naku, kutsi umphrofethi akemukeleki endzaweni yangakubo.

Johane 1:51

Wase utsi kuye: “Ngicinisile, ngicinisile, ngitsi kini: Nitawubona lizulu livulekile netingilosi taNkulunkulu tehla tenyuka etikweNdvodzana yeMuntfu.”

Johane 10:1

“Ngicinisile, ngicinisile, ngitsi kini: Longangeni ngelisango esibayeni setimvu kodvwa asuke afohle, ekhwele kulenye indzawo, ulisela nemphangi.

Johane 10:7

Ngako Jesu waphindza watsi kubo: “Ngicinisile, ngicinisile, ngitsi kini: Mine ngilisango letimvu.

Johane 12:24

Ngicinisile, ngicinisile, ngitsi kini: Inhlanyelo yakolo nayiwela emhlabatsini ingete yafa, ihlala iyodvwa; kepha nayifa, itsela titselo letinyenti.

Johane 13:16

Ngicinisile, ngicinisile, ngitsi kini: Sisebenti asisikhulu kunemcashi waso, nalowo lotfunyiwe akamkhulu kunalowo lamtfumile.

Johane 13:38

Jesu wamphendvula watsi: “Usho kutsi wena ukulungele nekufa ngenca yami? Ngicinisile, ngicinisile, ngitsi kuwe: Lichudze litawutsi likhala, wena utawube sewungiphike katsatfu.”

Johane 14:12

“Ngicinisile, ngicinisile, ngitsi kini: Lowo lokholwa ngimi uyawuyenta lemisebenti lengiyentako; yebo, uyakwenta nalengetulu kwalena, ngobe mine ngiya kuBabe.

Johane 16:20

Ngicinisile, ngicinisile, ngitsi kini: Nitawukhala, nilile, kodvwa live litawujabula. Niyawuba nelusizi, noko lusizi lwenu luyawugucuka lube yinjabulo.

Johane 16:23

“Ngalelo langa aniyiwubuta lutfo kimi. Ngicinisile, ngicinisile, ngitsi kini: Nome ngabe yini leniyicela kuBabe, uyawuninika yona egameni lami.

Johane 21:18

Ngicinisile, ngicinisile, ngitsi kuwe: Ngesikhatsi usemusha, wawuvele ubophe libhande lakho uye lapho utsandza khona, kodvwa nase umdzala uyakwelula tandla, lomunye akubophe, akutsatse, akuyise lapho ungatsandzi khona.”

Johane 3:11

Ngicinisile, ngicinisile, ngitsi kuwe: Sikhuluma lesikwatiko sifakaze ngalesikubonile, kepha anibemukeli bufakazi betfu.

Johane 3:3

Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Johane 3:5

Jesu wamphendvula watsi: “Ngicinisile, ngicinisile, ngitsi kuwe: Ngaphandle kwekutsi umuntfu atalwe ngemanti nangaMoya, angeke angene embusweni waNkulunkulu.

Johane 5:19

Ngako Jesu wabaphendvula watsi: “Ngicinisile, ngicinisile, ngitsi kini: INdvodzana ingeke itentele lutfo ngekwayo, kuphela yenta loko lebona uYise akwenta, ngobe loko lakwentako yena, neNdvodzana iyakwenta.

Johane 6:26

Jesu wabaphendvula watsi: “Ngicinisile, ngicinisile, ngitsi kini: Aningifuni ngobe nibone tibonakaliso, kepha ningifuna ngobe nidle tinkhwa, nesutsa.

Johane 6:32

Jesu watsi kubo: “Ngicinisile, ngicinisile, ngitsi kini: Bekungesiye Mosi lona lowanipha sinkhwa lesavela ezulwini, kepha Babe unipha sinkhwa sibili sivela ezulwini.

Johane 6:47

Ngicinisile, ngicinisile, ngitsi kini: Lowo lokholwako, unekuphila lokuphakadze.

Johane 6:53

Jesu watsi kubo: “Ngicinisile, ngicinisile, ngitsi kini: Naningayidli inyama yeNdvodzana yeMuntfu, ninatse nengati yayo, nite kuphila.

Johane 8:34

Jesu watsi kubo: “Ngicinisile, ngicinisile, ngitsi kini: Wonkhe umuntfu lowenta sono, usigcili sesono.

Johane 8:51

Ngicinisile, ngicinisile, ngitsi kini: Nangabe umuntfu agcina livi lami, angeke akubone kufa nini nanini.”

Johane 8:58

Jesu watsi kubo: “Ngicinisile, ngicinisile, ngitsi kini: Asengakabikho Abrahama, solo ngikhona mine.”

1 yaPhetro 1:25

Kodvwa livi leNkhosi limile, kuyawudzimate kube phakadze.” Lelivi ngilo lelo lelashunyayelwa kini.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.