Matewu 5:15 - Siswati 1996 Bible

¹⁵ Kute umuntfu lokhanyisa sibane bese usibeka ngephansi kwesitja; kodvwa usibeka endzaweni yaso, kuze sikhanyisele wonkhe umuntfu losendlini.

Matewu 5:15 Cross References

Eksodusi 25:37

Yenta tibane letisikhombisa kulesicu utimise titewukhanyisa ngembili kwalesicu.

Zakhariya 4:2

Yangibuta, yatsi: “Ubonani?” Ngaphendvula, ngatsi: “Ngibona lutsi lwetibane luyigolide lonkhe, lunesitja lesinemafutsa ngetulu, netibane letisikhombisa kulo, netimbobo letisikhombisa tetintsambo tetibane talo.

Numeri 8:2

“Tjela Aroni utsi: ‘Ngesikhatsi ulumeka letibane letisikhombisa, kufanele tikhanyise lendzawo lesembikwelutsi lwetibane.’ ”

Makho 4:21

Wachubeka Jesu watsi: “Kodvwa kuke kwenteke yini kutsi kokhelwe sibane siletfwe endlini, bese simbonywa ngesitja nome sifakwe phansi kwembhedze? Singete sabekwa endzaweni yaso yini?

Lukha 11:33

“Kute umuntfu lowokhela sibane abese usifihla ngaphansi kwesitja; kodvwa esikhundleni saloko usibeka elutsini, entele kutsi labangenako batewubona lokukhanya.

Lukha 11:36

Nangabe umtimba wakho wonkhe unekukhanya, kungabikho nalencane indzawana lesemnyameni, utawukhanya wonkhe, njengesibane nasikhanya kakhulu.”

Lukha 8:16

“Kute umuntfu longakhanyisa sibane, bese usimbonya ngesitja nome asibeke phansi kwembhedze. Esikhundleni saloko usibeka etikwelitafula, kuze kutsi labangenako bakubone lokukhanya.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

KumaHebheru 9:2

Bekwakhiwe lithende lekuhlangana lelalinetindzawo letimbili: Lengephandle bekutsiwa yindzawo lengcwele lapho bekunelutsi lwetibane, nelitafula lelinetinkhwa tekunikelwa kuNkulunkulu.

Sembulo 2:5

Khumbula-ke lapho uwe khona. Phendvuka wente loko lowawukwenta ekucaleni. Nakungenjalo, ungaphendvuki, ngitawuta kuwe, ngisuse sibane sakho endzaweni yaso.