Matewu 5:12 - Siswati 1996 Bible

¹² Jabulani nitfokote, ngobe umvuzo wenu mkhulu ezulwini; ngobe nebaphrofethi labanendvulela babatingela babahlupha kanjalo.”

Matewu 5:12 Cross References

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

1 Emakhosi 18:13

Ingabe wena, nkhosi yami, awukaze uve yini kutsi mine ngentani ngesikhatsi Jezebeli abulala baphrofethi baSimakadze? Ngabhacisa baphrofethi labalikhulu emigedzeni lemibili, baba ngema-50 kulowo nalowo mgedze, ngangibapha kudla ngibanatsise nemanti.

1 Emakhosi 18:4

Kwatsi ngesikhatsi Jezebeli abulala baphrofethi baSimakadze, Obadiya wafihla labalikhulu emigedzeni, baba ngema-50 kulowo nakulowo mgedze, abebapha kudla, abanatsise nemanti.

1 Emakhosi 19:2

Jezebeli watfumela sitfunywa ku-Elija, watsi: “Shangatsi bonkulunkulu bangangibulala ngife, nangabe mine kusasa ngalesikhatsi angikakwenti kuwe loko lokwente kulabaphrofethi.”

1 Emakhosi 21:20

Ahabi watsi ku-Elija: “Wo! Sewungitfolile, sitsa sami!” Elija waphendvula watsi: “Ngikutfolile, ngobe utitsengise wena ngekwenta lokubi emehlweni aSimakadze.

1 Emakhosi 22:8

Inkhosi Ahabi yaphendvula Jehoshafati, yatsi: “Usekhona munye lesingabuta ngaye kuSimakadze, kodvwa ngiyamenyanya, ngobe akaze nje aphrofethe lokuhle ngami, kodvwa uphrofetha lokubi kodvwa. NguMikhaya, umsa waJimla.” Jehoshafati waphendvula watsi: “Inkhosi ayikafaneli kukusho loko.”

2 Emakhosi 1:9

Wabe sewutfumela indvuna ku-Elija leyayihamba nelibutfo layo lelalingemadvodza langema-50. Lendvuna yenyuka yaya ku-Elija labehleti etulu esicongweni sentsaba, yafike yakhuluma kuye yatsi: “Ye muntfu waNkulunkulu, inkhosi itsi: ‘Yehla!’ ”

2 Tikhronike 16:10

Asa wamtfukutselela lomboniswa ngenca yaloko; watfukutsela wagaya tiboti, waze wamfaka ejele. Ngasona leso sikhatsi Asa wabaphatsa ngencindzetelo lenesihluku labanye bantfu.

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Tihlabelelo 19:11

Impela, inceku yakho iyalwa ngato, lowo lotigcinako unemvuzo lomkhulu.

Tihlabelelo 58:11

Bantfu batabe sebatsi: “Ngempela lolungile uyavuzwa, ngempela ukhona Nkulunkulu lowehlulela emhlabeni.”

Taga 11:18

Umuntfu lomubi utfola inzuzo ngendlela lembi; kodvwa lohlanyela ngebucotfo utfola sivuno lesikhonsako.

Isaya 3:10

Tjelani labalungile kutsi kutabahambela kahle, ngobe bayawudla titselo tetento tabo.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 26:8

Kodvwa watsi acedza nje Jeremiya kubatjela bonkhe labantfu onkhe emavi labewatfunywe nguSimakadze kutsi atebatjela wona, kwesuka baphristi, nebaphrofethi kanye nabo bonkhe bantfu bambamba batsi kuye: “Ufanele ufe!

Jeremiya 37:14

Jeremiya watsi: “Akusilo liciniso lelo, angihlubukeli kuya kubaseBhabhulona.” Kodvwa Jiriya akazange amlalele, esikhundleni saloko wabopha Jeremiya, wase ummikisa kuto tiphatsimandla.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 6:16

“Futsi-ke nanizila kudla, ningabunyukumalisi buso benu njengebatentisi, ngobe bona banyukumalisa buso babo, kuze batekubonakalisa kubantfu kuzila kwabo. Ngicinisile, ngitsi kini: Sebawemukele umvuzo wabo.

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Lukha 6:23

Nakwenteka loko, nibojabula nize nigcumagcume, ngobe mkhulu umvuzo wenu lenigcinelwe wona ezulwini; ngobe bokhokho babo benta njalo kubaphrofethi.

Lukha 6:35

Cha! Tsandzani titsa tenu nitentele lokuhle, nitjeleke ningabheki lutfo! Niyawuba nemvuzo lomkhulu ezulwini, nibe ngemadvodzana aLosetikwako Konkhe. Ngobe unemusa kulabangabongi nakulababi.

Imisebenti yebaPhostoli 16:25

Kwatsi ekhatsi nebusuku boPawula naSilasi bathandaza bahlabela tingoma tekudvumisa Nkulunkulu, tiboshwa letinye tatibalalele.

Imisebenti yebaPhostoli 5:41

Baphostoli balishiya Liqoqo, batfokota kakhulu ngekwetfwala lihlazo ngenca yelibito laJesu.

KubaseRoma 5:3

Ngetulu kwaloko siyabonga nasetinhluphekweni tetfu, ngobe siyati kutsi tinhlupheko tiveta kubeketela.

1 kubaseKorinthe 3:8

Lohlanyelako ulingana naloniselako, kodvwa ngulowo uyakwemukela umvuzo longangemsebenti wakhe.

2 kubaseKorinthe 4:17

Ngobe lolusizi lwetfu luncane futsi lwesikhashana, lusilungiselela inkhatimulo lengenawulinganiswa, yaphakadze.

KubaseFiliphi 1:29

Ngobe ngenca yaKhristu nine nabelwa ngemusa angisho kukholwa kuye kuphela, kepha nekuhlupheka ngenca yakhe.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

KubaseKholose 3:24

Khumbulani kutsi nikhonta iNkhosi. Nati kutsi niyakwemukeliswa umvuzo welifa kuKhristu.

1 kubaseThesalonika 2:15

LamaJuda ngiwo kanye lawo labulala iNkhosi Jesu kanye nebaphrofethi, natsi asicitsa, ayekela kwenta intsandvo yaNkulunkulu, aphambana nebantfu bonkhe.

KumaHebheru 10:34

Naba nesihawu kulabo bebaboshiwe, nacinisela ngekujabula nanemukwa timphahla tenu, ngobe nanati kutsi nine ninalokuncono lokukhonsako.

KumaHebheru 11:26

Wabona kutsi kwetfukwa ngenca yaKhristu kwakungumcebo loncono kunemcebo waseGibhithe, ngobe phela abebheke umvuzo.

KumaHebheru 11:33

Ngekukholwa balwa bancoba imibuso, benta kulunga, bazuza tetsembiso, bavimba imilomo yemabhubesi,

KumaHebheru 11:6

Umuntfu lote kukholwa angeke akhone kujabulisa Nkulunkulu; ngobe lota kuNkulunkulu kufanele akholwe kutsi Nkulunkulu uyaphila nekutsi uyabavuza labo labamfunako.

YaJakobe 1:2

Bazalwane bami, nanehlelwa tinhlobonhlobo tetilingo, nibokutsatsa ngekutsi yinjabulo yodvwa,

YaJakobe 5:10

Bazalwane, tsatsani sibonelo sekuhlupheka nekubeketela kwebaphrofethi labebakhuluma egameni leNkhosi.

1 yaPhetro 4:13

Kodvwa tfokotani, ngobe ninesabelo etinhluphekweni taKhristu, kuze kutsi nitfokote kakhulu nakwembulwa bukhosi bakhe.

Ruthe 2:12

Shangatsi Simakadze angakunika umvuzo ngaloku lose ukwentile. Shangatsi Simakadze, Nkulunkulu wema-Israyeli, angakunika umvuzo lophelele, njengobe naku sewukhosele ngaphansi kwakhe nje.”