Matewu 4:7 - Siswati 1996 Bible

⁷ Jesu watsi kuye: “Kantsi kubhaliwe futsi nekutsi: “ ‘Ungaboyilinga iNkhosi, Nkulunkulu wakho!’ ”

Matewu 4:7 Cross References

Tihlabelelo 106:14

Bahamba bashangashanga ehlane, bamlinga Nkulunkulu kalashameshame.

Tihlabelelo 78:18

Nkulunkulu bamlinga etinhlitiyweni tabo ngekumfuna kudla lababekufisa.

Tihlabelelo 78:41

Balinga Nkulunkulu njalonjalo, bacansula Longcwele waka-Israyeli.

Tihlabelelo 78:56

Noko bamlinga bamhlubuka Nkulunkulu Losetikwako Konkhe, bangete bayigcina imiyalo yakhe.

Tihlabelelo 95:9

lapho bangilinga khona boyihlo, bangivivinya, nome babeyibonile imisebenti yami.

Eksodusi 17:2

Ngako-ke sive sasola Mosi satsi: “Siphe emanti ekunatsa.” Mosi wabaphendvula watsi: “Ningilwiselani? Nimlingelani Simakadze?”

Eksodusi 17:7

Lendzawo wayetsa libito watsi “yiMasa neMeribha”, ngobe ema-Israyeli alwa, alinga Simakadze ngesikhatsi atsi: “Simakadze usenatsi yini nome cha?”

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Malakhi 3:15

Kodvwa nyalo sibita labatigabatisako sitsi bangulababusisiwe. Impela benti balokubi bayaphumelela, ngisho nalabo labamelene naNkulunkulu nabo bayaphunyula.’ ”

Numeri 14:22

kute nome munye walabantfu lababona inkhatimulo yami netibonakaliso letiyimimangaliso lengatenta eGibhithe nasehlane kodvwa bangete bangilalela, bangilinga emahlandla lalishumi,

Matewu 21:16

Ngako batsi kuJesu: “Uyeva yini kutsi batsini?” Wabaphendvula watsi: “Yebo, ngiyeva. Anizange nifundze yini kutsi: ‘Emlonyeni webantfwana nakulabamunyako utilungiselele ludvumo’?”

Matewu 21:42

Jesu watsi kubo: “Anizange nifundze yini emiBhalweni kutsi: “ ‘Litje lelaliwa bakhi, ngobe batsi alinamsebenti, ligucuke laba litje lekusimisa indlu? Loko kwentiwa yiNkhosi. Maye, kuyasimangalisa!’

Matewu 4:10

Jesu watsi kuye: “Suka, Sathane, ngobe kubhaliwe kutsi: “ ‘Ubokhonta iNkhosi, Nkulunkulu wakho, umkhotsamele yena yedvwa!’ ”

Matewu 4:4

Jesu waphendvula watsi: “Kubhaliwe kutsi: “ ‘Umuntfu angeke aphile ngesinkhwa sodvwa, kodvwa uphila ngawo onkhe emavi laphuma emloyeni waNkulunkulu.’ ”

Lukha 4:12

Jesu wamphendvula watsi: “UmBhalo futsi utsi: ‘Ungayilingi iNkhosi, Nkulunkulu wakho.’ ”

Imisebenti yebaPhostoli 15:10

Pho, nifunelani kulinga Nkulunkulu ngekubeka lijoko emahlombe emakholwa lokungazange bokhokho nome tsine sibe nemandla ekuletfwala?

Imisebenti yebaPhostoli 5:9

Phetro watsi kuye: “Hhawu, nitimiseleleni nalendvodza yakho ngekulinga Moya weNkhosi? Lamajaha labengcwaba indvodza yakho asalapha emnyango, lo ngikhuluma nje nawe, atakutfwala akukhiphele ngephandle.”

1 kubaseKorinthe 10:9

Futsi singayilingi iNkhosi njengalabanye babo labayilinga, babhujiswa tinyoka.

Dutheronomi 6:16

“Ningamlingi Simakadze Nkulunkulu wenu njengobe nenta eMasa.

KumaHebheru 3:9

Bokhokho benu bangilinga khona bangihlola, isho iNkhosi. Loko bakwenta, nome babeyibona imisebenti yami kuleminyaka lengema-40.