Matewu 4:23 - Siswati 1996 Bible

²³ Jesu walihamba lonkhe laseGalile, afundzisa emasinagogeni abo, ashumayela liVangeli lembuso, aphilisa bantfu kuto tonkhe tifo nasekuguleni kwabo.

Matewu 4:23 Cross References

Tihlabelelo 103:3

Ungitsetselela lonkhe licala letono tami angelaphe tonkhe tifo tami.

Tihlabelelo 74:8

Tatsi etinhlitiyweni tato: “Asibacedze nya!” Tishise tonkhe tindzawo, lapho kukhontelwa Nkulunkulu khona.

Matewu 11:5

Timphumphutse setiyabona, tinchute netishosha setiyahamba, emalephelo ayahlanteka, tihhulu setiyeva, labafile bayavuswa, neliVangeli seliyashunyayelwa kulabamphofu.

Matewu 12:9

Jesu wesuka lapho wangena esinagogeni labo.

Matewu 13:19

Bantfu labatsi nabeva livi lembuso kepha bangete balicondza, bayaye befikelwe nguLomubi, abemuke loko bekuhlanyelwe etinhlitiyweni tabo: loko-ke kusho inhlanyelo leyayihlanyelwe endleleni.

Matewu 13:54

Wabuyela edolobheni lakubo. Wabafundzisa esinagogeni labo, bamangala badzimate batsi: “Lomuntfu wakutfolaphi lokuhlakanipha lokungaka, nalemisebenti yemandla?

Matewu 14:14

Jesu watsi uyehla esikebheni, wabona sicumbi lesikhulu sebantfu, waba nesihawu nabo. Wabaphilisa bonkhe lababegula.

Matewu 24:14

LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”

Matewu 3:2

atsi: “Phendvukani, ngobe umbuso welizulu sewusondzele.”

Matewu 9:35

Jesu wahamba ajikeleta emadolobheni nasemitini. Abehamba afundzisa emasinagogeni abo, ashumayela liVangeli lembuso, aphilisa nebantfu etifeni tabo tonkhe nasemikhuhlaneni letinhlobonhlobo.

Makho 1:14

Emvakwekuboshwa kwaJohane Jesu waya eGalile, ahamba ashumayela liVangeli laNkulunkulu.

Makho 1:21

Bahamba-ke baze bangena eKhaphanawume. Kwatsi kube kufike liSabatha, Jesu wangena esinagogeni wafundzisa bantfu.

Makho 1:39

Wahamba kulo lonkhe laseGalile, ashumayela emasinagogeni abo, akhipha nemadimoni.

Makho 3:10

Loko wakwenta emvakwekuphilisa labanyenti. Bonkhe lababenetifo babephangelana kuye batewumtsintsa.

Makho 6:2

Kwatsi ngeliSabatha wacala wafundzisa esinagogeni. Labanyenti labamuva bamangala, batsi: “Lomuntfu wakutsatsaphi konkhe loku? Nhlakanipho lenjani lena layiphiwe? Letimangaliso letingaka utenta kanjani?

Makho 6:6

Wamangaliswa kungakholwa kwabo. Jesu abehamba angenela imiti ngemiti yangakubo afundzisa bantfu.

Lukha 10:9

nibaphilise labagulako kulelo dolobha, bese nibatjela nitsi: ‘Umbuso waNkulunkulu sewusondzele kini.’

Lukha 13:10

Ngalelinye liSabatha Jesu abefundzisa esinagogeni.

Lukha 16:16

“Umtsetfo netimfundziso tebaphrofethi kwasebenta kwaze kwefika sikhatsi saJohane uMbhabhatisi. Kusukela ngaleso sikhatsi sekushunyayelwa liVangeli ngembuso waNkulunkulu, wonkhe umuntfu ulwela kungena kuwo,

Lukha 20:1

Ngalelinye lilanga Jesu asafundzisa ashumayela bantfu ethempelini ngeliVangeli, baphristi labakhulu netati temtsetfo kanye netibondza beta

Lukha 4:14

Jesu wabuyela eGalile agcwele emandla aMoya Longcwele. Indzaba yakhe yandza yasakateka naso sonkhe leso sigodzi.

Lukha 5:17

Ngalelinye lilanga Jesu abefundzisa, baFarisi netati temtsetfo tihleti, tiphuma kuwo onkhe emadolobha aseGalile, naseJudiya, naseJerusalema. Emandla eNkhosi abenaye kutsi aphilise labagulako.

Lukha 6:17

Wehla nabo, wefika wema endzaweni leyayibekile kanye nabo bonkhe bafundzi bakhe labanyenti. Sicumbi sebantfu sase sikhona lapho siphuma eJudiya lonkhe, naseJerusalema, naselusentseni lwelwandle lwaseThire naseSidoni.

Lukha 6:6

Ngalelinye liSabatha Jesu wangena esinagogeni wafundzisa. Bekunendvodza leyayinesandla sangasekudla lesasishwaphene.

Lukha 7:21

Ngaso leso sikhatsi Jesu waphilisa labanyenti labebaphetfwe ngimikhuhlane, netifo, nemadimoni, wavula emehlo etimphumphutse letinyenti.

Lukha 7:22

Titfunywa taJohane watiphendvula watsi: “Ncandzekani nifike nimtjele konkhe lenikubone kwenteka nalenikuvile kukhulunywa: Timphumphutse tiyabona, tinchute netishosha tiyahamba, emalephelo ayaphiliswa, tihhulu tiyeva, labafile bayavuswa, neliVangeli liyashunyayelwa etimphuyeni.

Lukha 8:1

Emvakwesikhatsi Jesu wahamba wadzabula emadolobha nemadolobhana ashumayela liVangeli ngembuso waNkulunkulu. Bafundzi bakhe labali-12 babehamba naye,

Lukha 9:11

Tatsi kube tikuve loko leticumbi tebantfu, tamlandzela. Watemukela, wakhuluma ngembuso waNkulunkulu, waphilisa nalabo bebadzinga kuphiliswa.

Lukha 9:60

Jesu waphendvula watsi: “Yekela labafile bangcwabane bodvwana. Wena hamba uyewushumayela umbuso waNkulunkulu!”

Johane 18:20

Jesu wamphendvula watsi: “Ngikhulume ebaleni ngikhuluma nemhlaba wonkhe. Ngato tonkhe tikhatsi bengifundzisa emasinagogeni nasethempelini, lapho kubutsana khona onkhe emaJuda. Angizange sengikhulume lutfo emasitseleni.

Johane 6:59

Konkhe loko Jesu wakukhuluma asesinagogeni eKhaphanawume, afundzisa.

Johane 7:1

Emvakwaloko Jesu walihambahamba laseGalile; akatsandzanga kuya eJudiya, ngobe emaJuda abefuna kumbulala.

Imisebenti yebaPhostoli 10:38

Niyati futsi ngaJesu waseNazaretha, kutsi Nkulunkulu wamgcoba kanjani ngaMoya Longcwele nangemandla nekutsi waya kuyo yonkhe indzawo enta lokuhle aphilisa bonkhe lababecindzetelwe ngemandla aSathane, ngobe Nkulunkulu abenaye.

Imisebenti yebaPhostoli 18:4

Bekavamise kutsi njalo ngemaSabatha aye esinagogeni aphendvulane nemaJuda nemaGriki etama kuwazuza.

Imisebenti yebaPhostoli 20:25

“Bengihamba emkhatsini wenu nonkhe ngishumayela ngembuso waNkulunkulu. Manje-ke sengiyati kutsi kute namunye wenu loyawuphindze abone buso bami.

Imisebenti yebaPhostoli 28:31

Abeshumayela ngembuso waNkulunkulu, afundzisa ngeNkhosi Jesu Khristu akhuluma ngesibindzi nangekukhululeka lokukhulu.

KubaseRoma 10:15

Bangashumayela njani bangakatfunywa? Njengobe kubhaliwe kutsi: “Maye, tinhle tinyawo talabo labashumayela liVangeli.”