Matewu 4:17 - Siswati 1996 Bible

¹⁷ Kusukela ngaleso sikhatsi Jesu wacala kushumayela watsi: “Phendvukani, ngobe umbuso welizulu sewusondzele.”

Matewu 4:17 Cross References

Matewu 10:7

Hambani nishumayele nitsi: ‘Umbuso welizulu sewusondzele.’

Matewu 11:12

Kusukela etikhatsini taJohane uMbhabhatisi kuze kube ngulamuhla umbuso welizulu uyaphangwa, nalabo labawuphangako bayawuhlwitsa.

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Matewu 13:24

Lomunye umfanekiso lawubeka utsi: “Umbuso welizulu ufanana nendvodza leyahamba yayawuhlanyela inhlanyelo lenhle ensimini yayo.

Matewu 13:47

“Futsi umbuso welizulu ufanana nelinetha lelafakwa elwandle, labutsa tonkhe tinhlobo tetinhlanti.

Matewu 13:9

“Lonendlebe yekuva akeve!”

Matewu 25:1

“Ngaleso sikhatsi umbuso welizulu uyawufanana netintfombi letilishumi letatsatsa tibane tato, taphuma tayawuhlangabeta umyeni.

Matewu 3:2

atsi: “Phendvukani, ngobe umbuso welizulu sewusondzele.”

Matewu 6:10

Umbuso wakho awute. Intsandvo yakho ayentiwe emhlabeni, njengobe yentiwa ezulwini.

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Lukha 15:10

Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”

Lukha 15:7

Jesu wachubeka watsi: “Ngalokufananako, ngitsi kini: Kuyawuba khona kutfokota lokukhulu ezulwini ngesoni sinye lesiphendvukako kunebantfu labalungile labangema-99 labangakudzingi kuphendvuka.”

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Lukha 3:23

Nakacala lomsebenti wakhe Jesu abeneminyaka lecishe ibe ngema-30 budzala; bantfu babecabanga kutsi uyindvodzana yaJosefa labengumsa wa-Eli,

Lukha 5:32

Angiketeli kubita labalungile, kodvwa ngitele kubita toni kutsi tiphendvuke.”

Lukha 9:2

Wase uyabatfuma kutsi bayewushumayela umbuso waNkulunkulu baphilise nalabagulako.

Imisebenti yebaPhostoli 11:18

Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”

Imisebenti yebaPhostoli 17:30

“Nkulunkulu watitsalalisela tikhatsi tekungati kwebantfu, kepha-ke manje sewuyala bantfu bonkhe etindzaweni tonkhe kutsi baphendvuke,

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 20:21

Kuwo emaJuda nemaGriki, ngalokufananako ngayala kakhulu ngiwatjela kutsi akaphendvukele kuNkulunkulu, nekutsi akholwe yiNkhosi yetfu Jesu.

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

KumaHebheru 6:1

Ngako-ke asitishiye timfundziso tekucatfuta evini laKhristu, sendlulele kuletingembili talasebavutsiwe eNkhosini. Asikuyekele kuphindza sibeke sisekelo ngekushumayela kuphendvuka emisebentini lefile, kanye nesekukholwa kuNkulunkulu.