Matewu 3:2 - Siswati 1996 Bible

² atsi: “Phendvukani, ngobe umbuso welizulu sewusondzele.”

Matewu 3:2 Cross References

1 Emakhosi 8:47

nangabe-ke sebaphendvuka ngenhlitiyo yabo lena eveni lapho batigcili khona, bagucuke bancuse kuwe baseveni lebatfumbi babo batsi: ‘Sonile kuwe, senta lokuphambene nawe; sente kabi,’

Jobe 39:12

Ungetsembela yini kuyo kutsi ingakuletsela sivuno sakho, isibutsisele ndzawonye ebaleni lakho lekubhulela?

Jobe 42:6

Ngako-ke manje sengiyatenyanya, ngiyaphendvuka ngitilahla elutfulini nasemlotseni.”

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Matewu 10:7

Hambani nishumayele nitsi: ‘Umbuso welizulu sewusondzele.’

Matewu 11:20

Jesu wase ucala kusola emadolobha, lekwakwenteke kuwo imisebenti yakhe yemandla leminyenti, ngobe abengaphendvuki.

Matewu 12:41

Bantfu baseNineve bayakusukuma kanye nalesitukulwane ekwehlulelweni basilahle, ngobe bona baphendvuka ngekushunyayelwa nguJona; ase nibuke-ke, ngobe lapha kukhona lomkhulu kunaJona.

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Matewu 13:24

Lomunye umfanekiso lawubeka utsi: “Umbuso welizulu ufanana nendvodza leyahamba yayawuhlanyela inhlanyelo lenhle ensimini yayo.

Matewu 13:31

Lomunye umfanekiso labatjela wona wawutsi: “Umbuso welizulu ufanana nenhlavu yendlulamitsi, layitsatsa lomunye umuntfu wayihlanyela ensimini yakhe.

Matewu 13:33

Waphindze wabatjela lomunye umfanekiso watsi: “Umbuso welizulu ufanana nembiliso leyatsatfwa ngumfati wayibhica nemabinta lamatsatfu emphuphu, kwabila konkhe.”

Matewu 13:47

“Futsi umbuso welizulu ufanana nelinetha lelafakwa elwandle, labutsa tonkhe tinhlobo tetinhlanti.

Matewu 13:52

Wase utsi kubo: “Ngako-ke wonkhe umfundzisi wemtsetfo loba ngumfundzi embusweni welizulu, unjengemnikati wemuti lokhipha engcebeni yakhe lokusha nalokudzala.”

Matewu 18:23

Ngako-ke umbuso welizulu ufanana nenkhosi, leyayifuna kutsi tonkhe tisebenti letatiyikweleda tisale setiyikhipha yonkhe imali yayo.

Matewu 20:1

“Umbuso welizulu ufanana nemnikati wesivini, lowaphuma ekuseni ayawucasha emadvodza ekusebenta esivinini sakhe.

Matewu 22:2

“Umbuso welizulu ungafaniswa nenkhosi leyalungisela indvodzana yayo lidzili lemshado.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 25:1

“Ngaleso sikhatsi umbuso welizulu uyawufanana netintfombi letilishumi letatsatsa tibane tato, taphuma tayawuhlangabeta umyeni.

Matewu 25:14

“Kunjengendvodza leyatsi seyitawuhamba emtini wayo yabita tisebenti tayo, yatinika emandla ekuphatsa timphahla tayo.

Matewu 4:17

Kusukela ngaleso sikhatsi Jesu wacala kushumayela watsi: “Phendvukani, ngobe umbuso welizulu sewusondzele.”

Matewu 4:23

Jesu walihamba lonkhe laseGalile, afundzisa emasinagogeni abo, ashumayela liVangeli lembuso, aphilisa bantfu kuto tonkhe tifo nasekuguleni kwabo.

Matewu 5:10

Babusisiwe labatingelwa bahlushwe ngenca yekulunga, ngobe umbuso welizulu wabo.

Matewu 5:3

“Babusisiwe labamphofu emoyeni, ngobe umbuso welizulu wabo.

Matewu 6:10

Umbuso wakho awute. Intsandvo yakho ayentiwe emhlabeni, njengobe yentiwa ezulwini.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Makho 1:15

Abetsi: “Sikhatsi sesifikile, umbuso waNkulunkulu sewusondzele. Phendvukani nikholwe liVangeli.”

Makho 1:4

Nangempela kwavela Johane uMbhabhatisi ehlane ashumayela bantfu atsi: “Phendvukani nibhajatiswe, Nkulunkulu utanitsetselela tono tenu.”

Makho 6:12

Bahamba-ke baphostoli bashumayela bantfu kutsi baphendvuke.

Lukha 1:16

Uyawubuyisela bantfu labanyenti baka-Israyeli kuNkulunkulu, iNkhosi yabo.

Lukha 11:20

Kodvwa nangabe ngiwakhipha ngemandla aNkulunkulu, loko-ke kufakazela kutsi umbuso waNkulunkulu sewufikile kini.

Lukha 13:3

Cha! Nginitjela kutsi, nangabe nani ningatishiyi tono tenu, niyawubhubha njengabo.

Lukha 13:5

Cha! Nginitjela kutsi, nangabe nani ningashiyi tono tenu, niyawubhubha njengabo.”

Lukha 15:10

Jesu wachubeka watsi: “Ngalokufananako-ke, ngitsi kini: Tingilosi taNkulunkulu tiyawutfokota ngesoni sinye lesiphendvukako.”

Lukha 15:7

Jesu wachubeka watsi: “Ngalokufananako, ngitsi kini: Kuyawuba khona kutfokota lokukhulu ezulwini ngesoni sinye lesiphendvukako kunebantfu labalungile labangema-99 labangakudzingi kuphendvuka.”

Lukha 16:30

Lesicebi samphendvula satsi: ‘Cha-ke, babe Abrahama, nakungavuka lomunye ekufeni aye kubo, bayawuphendvuka etonweni tabo.’

Lukha 21:31

Ngalokufanako-ke, nanibona letintfo tenteka, nibokwati kutsi umbuso waNkulunkulu sewutawufika.

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Lukha 6:20

Jesu wabuka bafundzi bakhe watsi: “Nibusisiwe nine timphuya, ngobe umbuso waNkulunkulu wenu.

Lukha 9:2

Wase uyabatfuma kutsi bayewushumayela umbuso waNkulunkulu baphilise nalabagulako.

Imisebenti yebaPhostoli 11:18

Batsi nabeva loko, babindza, base badvumisa Nkulunkulu batsi: “Nembala Nkulunkulu sewunike nebetive litfuba lekuphendvukela ekuphileni.”

Imisebenti yebaPhostoli 17:30

“Nkulunkulu watitsalalisela tikhatsi tekungati kwebantfu, kepha-ke manje sewuyala bantfu bonkhe etindzaweni tonkhe kutsi baphendvuke,

Imisebenti yebaPhostoli 2:38

Phetro wabaphendvula watsi: “Phendvukani nibhajatiswe nonkhe ngamunye ngamunye egameni laJesu Khristu, kuze nitsetselelwe tono tenu nemukeliswe nesipho lesinguMoya Longcwele.

Imisebenti yebaPhostoli 20:21

Kuwo emaJuda nemaGriki, ngalokufananako ngayala kakhulu ngiwatjela kutsi akaphendvukele kuNkulunkulu, nekutsi akholwe yiNkhosi yetfu Jesu.

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

2 kubaseKorinthe 7:10

Kudzabuka lokukwaNkulunkulu kuveta kuphendvuka kube kusindziswa, kubete kutisola ngako; kodvwa kudzabuka lokukwemhlaba kuveta kufa.

KubaseKholose 1:13

Wasikhulula emandleni ebumnyama, wasibeka embusweni weNdvodzana yakhe letsandzekako.

2 kuThimothi 2:25

sibayale ngemoya lomnene labo labamelene naso, mhlawumbe Nkulunkulu angabanika kuphendvuka, badzimate balati liciniso,

KumaHebheru 6:1

Ngako-ke asitishiye timfundziso tekucatfuta evini laKhristu, sendlulele kuletingembili talasebavutsiwe eNkhosini. Asikuyekele kuphindza sibeke sisekelo ngekushumayela kuphendvuka emisebentini lefile, kanye nesekukholwa kuNkulunkulu.

2 yaPhetro 3:9

INkhosi ayibini kugcina setsembiso sayo, njengobe labanye bacabanga kutsi iyabina; kepha iyanibeketelela, ngobe ingatsandzi kutsi kubhubhe ngisho namunye umuntfu, kodvwa itsandza kutsi bonkhe bantfu baphendvuke etonweni tabo.

Sembulo 2:21

Ngimnikile litfuba lekuphendvuka, kodvwa wala kuphendvuka ebugwadleni bakhe.

Sembulo 2:5

Khumbula-ke lapho uwe khona. Phendvuka wente loko lowawukwenta ekucaleni. Nakungenjalo, ungaphendvuki, ngitawuta kuwe, ngisuse sibane sakho endzaweni yaso.