Matewu 3:17 - Siswati 1996 Bible

¹⁷ Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Matewu 3:17 Cross References

Tihlabelelo 2:7

Angimemetele umyalo lowashiwo nguSimakadze kimi, nakatsi: “Wena uyindvodzana yami, lamuhla ngikutele.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 42:21

Kwamjabulisa Simakadze ngenca yekulunga kwakhe kutsi ente umtsetfo wakhe ube mkhulu, futsi ube neludvumo.

Levithikusi 15:15

Umphristi kufanele anikele lelinye libe ngumnikelo wesono, leli lelinye libe ngumhlatjelo wekushiswa. Ngaleyo ndlela umphristi uyakwentela leyo ndvodza inhlawulo yekubuyisana kuSimakadze ngekuvutisa kwayo.

Matewu 12:18

“Nansi inceku yami lengiyikhetsile, lotsandzekako wami, lotfokota ngaye umphefumulo wami. Ngiyawubeka Moya wami etikwakhe, amemetele kwehlulela kubetive.

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Makho 1:11

Kwevakala livi livela ezulwini litsi: “Wena uyiNdvodzana yami lengiyitsandzako. Ngiyatfokota ngawe.”

Makho 9:7

Kwefika lifu labambonya, kwevakala livi liphuma efini litsi: “Lena yiNdvodzana yami letsandzekako, yilaleleni.”

Lukha 3:22

Moya Longcwele wehlela kuye afana nelituba. Kwevakala livi liphuma ezulwini litsi: “Wena uyiNdvodzana yami letsandzekako. Ngitfokotile ngawe.”

Lukha 9:35

Kwase kuvakala livi liphuma kulelifu litsi: “Lena yiNdvodzana yami, lengiyikhetsile, yilaleleni!”

Johane 5:20

Ngobe uYise uyayitsandza iNdvodzana, uyikhombisa konkhe lakwentako yena. Utayikhombisa imisebenti lemikhulu kunalena, nize nimangale.

Johane 5:37

NaBabe longitfumile ufakazile ngami. Anizange nilive livi lakhe, anizange nisibone nesimo sakhe;

Kubase-Efesu 1:6

Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.

KubaseKholose 1:13

Wasikhulula emandleni ebumnyama, wasibeka embusweni weNdvodzana yakhe letsandzekako.

2 yaPhetro 1:17

Mhlazana emukela ludvumo nenkhatimulo kuNkulunkulu uYise, sasikhona tsine. Kwaphuma livi enkhatimulweni yebukhosi, latsi: “Lo, uyiNdvodzana yami letsandzekako, lengitfokota ngayo.”

1 yaJohane 5:9

Siyabemukela bufakazi bebantfu; kodvwa bufakazi baNkulunkulu bukhulu kakhulu, ngobe Nkulunkulu ufakaze ngeNdvodzana yakhe.

Sembulo 14:2

Ngeva livi liphuma ezulwini lelevakala lifanana nemabhudlo emanti, lifanana nekudvuma lokukhulu. Lelivi lalifanana nekuhlabela kwetingitali tishaywa bashayi bato.