Matewu 28:19 - Siswati 1996 Bible

¹⁹ Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Matewu 28:19 Cross References

Genesisi 1:26

Nkulunkulu wase utsi: “Asente bantfu, babe ngumfanekiso wetfu, basifute; babuse etikwetinhlanti taselwandle, nasetikwetinyoni tasemoyeni, nasetikwetifuyo, nasetikwemhlaba wonkhe, nasetikwato tonkhe tilwane letihamba ngesisu netilwanyakatana.”

Isaya 48:16

“Sondzelani edvutane nami, nilalele naku: “Kusukela esimemetelweni sekucala angizange ngikhulume emasitseleni, ngalesikhatsi nakwenteka, mine ngisuke sengikhona.” Manje-ke, iNkhosi Simakadze ingitfumile kanye naMoya wayo.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 52:10

Simakadze uyakwembula umkhono wakhe longcwele embikwato tonkhe tive, nayo yonkhe imikhawulo yemhlaba iyawuyibona insindziso yaNkulunkulu wetfu.

Matewu 13:52

Wase utsi kubo: “Ngako-ke wonkhe umfundzisi wemtsetfo loba ngumfundzi embusweni welizulu, unjengemnikati wemuti lokhipha engcebeni yakhe lokusha nalokudzala.”

Matewu 25:32

tonkhe tive temhlaba tiyawubutselwa embikwayo. Iyawubehlukanisa labanye kulabanye, njengemelusi ehlukanisa timvu netimbuti.

Imisebenti yebaPhostoli 1:2

kwaze kwaba lilanga latsatfwa ngalo mhlazana aya ezulwini. Angakenyukeli ezulwini wanika imiyalo ngemandla aMoya Longcwele kubaphostoli labebakhetsile.

Imisebenti yebaPhostoli 1:8

Kodvwa nine nitawugcwaliswa ngemandla, nasefikile kini Moya Longcwele, niyawuba bofakazi bami eJerusalema, naseJudiya lonkhe, naseSamariya, kuze kube ngusekugcineni kwemhlaba.”

Imisebenti yebaPhostoli 14:21

BoPawula naBhanabasi bashumayela liVangeli eDebe, batfola balandzeli labanyenti. Base babuyela emuva eListra, nase-Ikhoniyumi, nase-Antiyokhi lesePhisidiya.

Imisebenti yebaPhostoli 2:41

Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.

Imisebenti yebaPhostoli 28:28

Wase uyavalelisa Pawula ngekutsi: “Akwateke kini kutsi lensindziso yaNkulunkulu seyitfunyelwe kubetive, futsi batawuyemukela.” [

Imisebenti yebaPhostoli 9:18

Masinyane kwawa tincwencwe letatifanana nenkhwetfu tisuka emehlweni aSawula, waphindze wabona futsi. Wasukuma wabhajatiswa.

KubaseRoma 10:18

Kodvwa ngiyabuta ngitsi: “Abakeva yini?” Empeleni bevile, “ngobe inkhulumo yabo iphumele emhlabeni wonkhe, nemavi abo asafike emikhawulweni yonkhe yemhlaba.”

1 kubaseKorinthe 15:29

Kepha bayakwenta njani lababhajatiselwa kulabafile, nangabe kuliciniso kutsi abavuki? Pho, babhajatiselelwani kulabafile?

KubaseGalathiya 3:27

Nine nonkhe nabhajatiselwa kuKhristu, ngako-ke senembetse Khristu.

Kubase-Efesu 2:18

Ngobe ngaye sobabili sinekungena ngaMoya munye kuYise.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

1 yaPhetro 3:21

Emanti wona emele umbhabhatiso. Umbhabhatiso awusiwo wekususa insila yemtimba, kodvwa wekucela nembeza lomsulwa kuNkulunkulu. Lombhabhatiso uyanisindzisa ngekuvuka kwaJesu Khristu ekufeni.

1 yaJohane 5:7

Ngobe batsatfu labafakazako: