Matewu 27:4 - Siswati 1996 Bible

⁴ atsi: “Ngonile ngekutsengisa ngengati lengenacala!” Bona batsi kuye: “Pho, singenaphi lapho tsine? Tibonele wena!”

Matewu 27:4 Cross References

1 Emakhosi 21:27

Watsi kube Ahabi eve lamavi, wadzabula tingubo takhe, wembatsa emasaka, wazila, walala ngemasaka, wahamba angulotfotjisiwe.

2 Emakhosi 24:4

kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.

Jobe 13:4

Noko, nine ningibhoca ngemanga, nonkhe nifanana netinyanga, kantsi anikwati kwelapha!

Jobe 16:2

“Setinyenti kakhulu tintfo letinjalo lengitivile. Nine nonkhe nje nibadvudvuti lababi.

Tihlabelelo 94:21

Bakha lisu lekuhlasela labalungile, balahla bantfu labangenacala.

Eksodusi 12:31

Ngabo lobo busuku Faro wabita boMosi na-Aroni; befika, watsi kubo: “Hambani la! Sukani emkhatsini webantfu bami, ngisho nine nawo onkhe ema-Israyeli. Hambani niyewukhonta Simakadze njengekucela kwenu.

Eksodusi 9:27

Faro watfumela kutsi kubitwe boMosi na-Aroni; bafika, watsi kubo: “Cha, sengiyabona kutsi ngonile, Simakadze akoni lutfo. Ngimi nesive sami labonile.

Taga 12:8

Umuntfu udvunyiswa ngekunakekela kwakhe; kodvwa lonenhlitiyo lembi ubukeleka phansi.

Jeremiya 26:15

Noko kufanele nati nekwati, nikhumbule kutsi nangabe ningibulala, niyakwehlisela licala lengati lengenacala etikwenu, nasetikwalelidolobha, nasetikwalabo labahlala kulo, ngobe ecinisweni, nguSimakadze longitfume kini kutawukhuluma onkhe lamavi etindlebeni tenu niva.”

Jona 1:14

Ngako base bakhala kuSimakadze, batsi: “Awu, Simakadze waJona, siyakuncenga, ungasibhubhisi ngenca yalomuntfu! Ungalibeki etikwetfu licala lengati lengenacala! Nguwe, Simakadze waJona, lowente konkhe loku!”

Matewu 27:19

Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”

Matewu 27:54

Indvuna yemphi nemasotja labenawo labelindze Jesu, nabakubona lokutamatama kwemhlaba, nako konkhe lokwenteka, befikelwa kwesaba lokukhulu baze batsi: “Ngempela lomuntfu abeyiNdvodzana yaNkulunkulu!”

Lukha 23:22

Philatu waphindza kwesitsatfu watsi kubo: “Kodvwa cala lini lalentile? Kute lengikhandze kutsi ukwentile lokungaze kwente kutsi adzimate abulawe. Ngako-ke ngitamshaya ngimbhambabule, bese ngiyamkhulula.”

Lukha 23:41

Noko, setfu silungile, ngobe sitfola loko lokusifanele ngalesikwentile; kodvwa yena kute lakonile.”

Lukha 23:47

Indvuna yelibutfo nayibona loko kwenteka, yabonga Nkulunkulu, yatsi: “Impela abelungile lomuntfu!”

Johane 19:7

EmaJuda amphendvula atsi: “Tsine sinemtsetfo: Ngalowo mtsetfo lomuntfu kufanele afe, ngobe utenta iNdvodzana yaNkulunkulu.”

Imisebenti yebaPhostoli 13:28

Naloku bangasitfolanga sizatfu sekumlahla ngelicala lekufa, kepha bacela kuPhilatu kutsi akabulawe.

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

1 kuThimothi 4:2

Bantfu labatentisako bayawufundzisa emanga, ngobe bonembeza babo bashiswe luphawu.

kuThithusi 1:16

Bavuma ngemlomo kutsi bayamati Nkulunkulu, kepha ngetento tabo bayamphika; bayenyanyeka, abalaleli, bayehluleka kwenta nome ngabe yini lenhle.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

1 yaPhetro 1:19

kodvwa nahlengwa ngengati leligugu yeliWundlu lelinguKhristu, lelingenacala nalelingenasici.

1 yaJohane 3:12

Singabi njengaKhayini labe waLomubi, wabulala umnakabo. Wambulalelani-ke? Wambulala, ngobe imisebenti yakhe yayimibi, kantsi lena ya-Abela, umnakabo, yayilungile.

Sembulo 11:10

Bantfu labahlala emhlabeni bayawukutsakasela kufa kwabo labo bofakazi. Bayawugubha imikhosi, bephane netipho, ngobe phela labaphrofethi lababili bese babahluphile emhlabeni.

1 Samuweli 15:24

Sawula wakhuluma kuSamuweli, watsi: “Ngonile. Ngiwephulile umyalo waSimakadze kanye nemiyalo yakho. Ngesabe bantfu, ngabe sengiyabayekela.

1 Samuweli 15:30

Sawula waphendvula watsi: “Ngonile. Kodvwa mane ungihloniphe embikwalabaholi besive sami nasembikwesive sema-Israyeli; ncandzeka nami, khona ngitewukhonta Simakadze Nkulunkulu wakho.”

1 Samuweli 19:5

Watsatsa kuphila kwakhe wakuphatsa ngesandla sakhe, nakabulala lomFilisti. Simakadze waba nekuncoba lokukhulu ancobela sive sema-Israyeli, nawe futsi wakubona loko wajabula. Pho, ufunelani kubulala Davide ngaphandle kwesono?”