Matewu 27:2 - Siswati 1996 Bible

² Bambopha, bamtsatsa, bammikisa kuLusibalukhulu Philatu.

Matewu 27:2 Cross References

Genesisi 22:9

Batsi kube befike kulendzawo Nkulunkulu labemlayele yona, Abrahama wakha lilati walungisa tinkhuni, wabopha Isaka, umsa wakhe, wambeka etinkhunini etikwelilati.

Matewu 20:19

Batayinikela etandleni tebetive, kuze iphukutwe, bayishaye, bese bayibetsela esiphambanweni; kodvwa ngelilanga lesitsatfu itawuvuswa ekufeni.”

Matewu 28:14

Lusibalukhulu nakuva loko, tsine siyawumchazela, eve kahle, ningahlupheki nine.”

Lukha 13:1

Ngaso leso sikhatsi labanye bantfu batjela Jesu ngebantfu baseGalile labatsi banikela umnikelo wekushiswa kuNkulunkulu, Philatu wababulala.

Lukha 20:20

Ngako betama kutfola sikhatsi lesikahle. Batsenga labanye bantfu kutsi babe timpimpi, batente shangatsi batimisele kantsi bentela kugiba Jesu ngemibuzo, kuze bamnikete kulabakhulu nasemandleni embusi.

Lukha 23:1

Lonkhe lelo Liqoqo lasukuma latsatsa Jesu lamyisa kuPhilatu.

Lukha 23:12

Bacala ngalelo langa boHerodi naPhilatu baba bangani; kantsi ngembili kwaloko bebatitsa.

Lukha 3:1

Kwakungumnyaka weli-15 wekubusa kwaThibheriyusi, uMbusi; Phontiyuse Philatu bekanguLusibalukhulu waseJudiya, Herodi ayinkhosi yaseGalile, umnakabo Filiphu bekayinkhosi yesigodzi sase-Ithureya naseTrakhonithisi; Lisaniyasi abeyinkhosi yase-Abilene.

Johane 18:12

Ngako-ke lesicumbi semasotja nendvuna yawo kanye nabogadzi bemaJuda bambamba Jesu bambopha.

Johane 18:24

Ngako Anasi watfumela Jesu asaboshiwe kuKhayafase, umPhristi Lomkhulu.

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Imisebenti yebaPhostoli 12:6

Ngebusuku bekugcina Herodi atamkhipha amletse ebantfwini, Phetro abelele emkhatsini webalindzi lababili. Abeboshwe ngetinketane letimbili, kwakunebalindzi lapho emnyango welijele balindzile.

Imisebenti yebaPhostoli 21:33

Khenela wacondza kuPawula wambamba, watsi akaboshwe ngetinketane letimbili. Wase uyababuta kutsi ngubani yena lomuntfu, nekutsi wenteni.

Imisebenti yebaPhostoli 22:25

Kodvwa kwatsi nase bambophile sebatawumbhambabula Pawula wakhuluma nalendvuna yelibutfo leyayime eceleni kwakhe watsi: “Kungumtsetfo yini kutsi wena ubhambabule umRoma asengakalahlwa licala?”

Imisebenti yebaPhostoli 22:29

Ngako-ke labo babetawuphenya Pawula ngemibuzo bakhwesha kuye ngekushesha, nakhenela wesaba, nakabona kutsi Pawula ngumRoma ngekutalwa nekutsi abesambophe ngetinketane.

Imisebenti yebaPhostoli 24:27

Ekupheleni kweminyaka lemibili sikhundla saFeliksi satsatfwa nguPhokhiyusi Festusi. Njengobe Feliksi abefuna kutsandvwa ngemaJuda, wavele washiya Pawula asesejele.

Imisebenti yebaPhostoli 28:20

Kungako ngicele kunibona nje ngikhulume nani; ngobe ngiboshwe ngaletinketane ngenca yakhe lolitsemba lebantfu baka-Israyeli.”

Imisebenti yebaPhostoli 3:13

Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.

Imisebenti yebaPhostoli 4:27

“Nembala kulelidolobha Herodi naPhontiyuse Philatu bahlangana ndzawonye nebetive, nebaka-Israyeli baphambana naJesu, Sisebenti sakho lesiNgcwele, lowasenta kutsi sibe nguKhristu.

Imisebenti yebaPhostoli 9:2

Wafike wacela tincwadzi tekumetfula emasinagogeni emaJuda aseDamaseko, kuze atsi nakakhandza lapho nobe bobani lababalandzeli baleNdlela yeNkhosi, abe nemandla ekubabopha, labadvuna nalabasikati, abatsatse abamikise eJerusalema.

1 kuThimothi 6:13

Ngikuyala embikwaNkulunkulu lophilisa konkhe, nasembikwaKhristu Jesu lowavuma sivumo lesihle embikwaPhontiyuse Philatu,

2 kuThimothi 2:9

Ngilo leliVangeli lengilihluphekelako, ngidzimate ngaboshwa nangetinketane, kwaba shangatsi ngisigebengu. Kepha noko livi laNkulunkulu alikaboshwa.

KumaHebheru 13:3

Bakhumbuleni labasemajele, kube shangatsi nani niboshwe kanye nabo. Nibakhumbule nalabo labaphetfwe kabi, kube shangatsi nihlupheka kanye nabo.

Tikhulu 15:12

Akhuluma kuSamsoni atsi: “Sitele kutakukubopha bese sikuniketela kumaFilisti.” Samsoni watsi: “Fungani kimi kutsi ningeke ningibulale nine lucobo.”