Matewu 26:70 - Siswati 1996 Bible

⁷⁰ Kodvwa wakuphika embikwabo bonkhe watsi: “Angikwati loku lokhuluma ngako.”

Matewu 26:70 Cross References

Taga 28:26

Umuntfu lotetsemba yena usilima; kodvwa lohamba ngekuhlakanipha uyawuphepha.

Taga 29:23

Kutigcabha kwemuntfu kumletsela kuwa; kodvwa lotfobekile utfola kuhlonipheka.

Taga 29:25

Kwesaba bantfu kulugibe; kodvwa lowo lowetsembekile kuSimakadze ulondvolotekile.

Isaya 57:11

“Ngubani lona lebewumvevela kangaka, umesaba, uze ungetsembeki kimi, ungasangikhumbuli, futsi ungasangicabangi ngisho nasenhlitiyweni yakho? Akwentiwa kutsi sengithule sikhatsi lesidze yini lokutsi ungasangesabi?

Jeremiya 17:9

Inhlitiyo iyayengana ngetulu kwato tonkhe tintfo, futsi yonakele ngalokwengcile. Ngubani nje longayicondza?

Matewu 26:51

Lomunye walaba babehamba naJesu wakhipha inkemba yakhe, wahhumbula indlebe yesigcili semPhristi Lomkhulu, yalahleka phansi.

Matewu 26:56

Kodvwa konkhe loku kwentekele kutsi kugcwaliseke loko lokwabhalwa baphrofethi emiBhalweni.” Bafundzi bakhe bonkhe bamshiya khona lapho, babaleka.

Matewu 26:58

Kepha Phetro bekamlandzela khashane, waze wangena esibuyeni sendlu yemPhristi Lomkhulu. Wafike wahlala nebalindzi, afuna kubona kutsi sigcino kutawuba yini.

Matewu 26:69

Phetro bekahleti ngephandle esibuyeni. Kweta intfombatana leyayisisebenti yafike yatsi: “Nawe bewunaye lomGalile longuJesu.”

Matewu 26:71

Watsi asesukile asatimele eceleni kwemphundvu yesibuya, kwaphindze kwefika lenye intfombatana lesisebenti yambuka yase ikhuluma kulamadvodza labelapho, imkhomba, yatsi: “Nalona abenaye loJesu waseNazaretha.”

Lukha 22:57

Kodvwa Phetro waphika watsi: “Ntfombatana! Angimati nekumati!”

KubaseRoma 11:20

Ucinisile kuloko, ajutjwa ngenca yekungakholwa kwawo, kodvwa wena usime ngekukholwa kwakho. Ngako-ke ungatigabatisi, kodvwa mani ngekwesaba.

1 kubaseKorinthe 10:12

Ngako-ke lotsi umile, akacaphele kutsi angawi.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”