Matewu 26:65 - Siswati 1996 Bible

⁶⁵ Nasasho loku, umPhristi Lomkhulu wadzabula tingubo takhe watsi: “Vele, sewuhlambalatile; asisabudzingi lobunye bufakazi, seniyivile inkhulumo yakhe lehlambalatako!

Matewu 26:65 Cross References

2 Emakhosi 18:37

Bo-Eliyakimu, umsa waHilkiya, labeyindvuna yesigodlo, naShebna labengumabhalane, kanye naJowa, umsa wa-Asafa, labengulobhalisako, bahamba bayawubikela Hezekiya, sebadzabule tingubo tabo, bafike bamtjela konkhe lokwakushiwo yindvuna lenkhulu yemphi yase-Asiriya.

Jeremiya 36:24

Inkhosi kanye nabo bonkhe lababeyisingatsile, labaweva onkhe lawo mavi, abazange sebakhombise nalokuncane nje kwesaba, futsi abatihluphanga ngekudzabula tingubo tabo ngekutisola.

Levithikusi 21:20

nome lonelichubu, nome lomfishane kakhulu, nome lonemasoli, nome lonesifo sesikhumba, nome lonesilondza lesivuta bovu, nome lonemasendze lalimele.

Numeri 14:6

Joshuwa, umsa waNuni, naKhalebi, umsa waJefune, lababehambe nalamadvodza labeyewuhlola lelive, badzabula timphahla tabo,

Matewu 9:3

Letinye tati temtsetfo takhuluma todvwana tatsi: “Lomuntfu uyahlambalata.”

Lukha 5:21

Bafundzisi bemtsetfo nebaFarisi bacala bavungatela bakhuluma bodvwa batsi: “Ngubani lona lohlambalata Nkulunkulu? Ngubani longatsetselela tono ngaphandle kwaNkulunkulu?”

Johane 10:33

EmaJuda amphendvula atsi: “Kute umsebenti lomuhle lesifuna kukugcobela wona, kuphela nje kutsi wena uyahlambalata; ungatsi kantsi ungumuntfu nje nawe, ube sewutenta Nkulunkulu!”

Johane 10:36

Mine ngingulowehlukaniselwe Babe, ngitfunywe nguye emhlabeni. Ningigwebelani ngekuhlambalata ngobe ngitsite: ‘NgiyiNdvodzana yaNkulunkulu’?

Imisebenti yebaPhostoli 14:14

Lapho boBhanabasi naPawula beva loko bese batakwenta, badzabula tingubo tabo bagijima bacondza emkhatsini wesicumbi, bamemeta batsi: