Matewu 26:56 - Siswati 1996 Bible

⁵⁶ Kodvwa konkhe loku kwentekele kutsi kugcwaliseke loko lokwabhalwa baphrofethi emiBhalweni.” Bafundzi bakhe bonkhe bamshiya khona lapho, babaleka.

Matewu 26:56 Cross References

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Danyela 9:24

“Tikhatsi letingema-70 timiselwe bantfu bakini, nelidolobha lakini kutsi bayekele kona nekwephula imitsetfo, bacedze tono, bahlawulele bubi, bangenise kulunga kwaphakadze, kuciniselwe umbono netiphrofetho, kugcotjwe lowo Longcwelengcwele.

Danyela 9:26

Emvakwetikhatsi letingema-62, Logcotjiwe uyawuncanyulwa, akayiwuba nalutfo. Bantfu bembusi lomunye loyawufika, bayawulibhubhisa lelidolobha kanye nelithempeli. Siphetfo siyawufika njengesihhuhhula semvula. Kuyawuchubeka kulwa kuze kube ngusekugcineni, kuyawube kwehle incitsakalo.

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Matewu 21:42

Jesu watsi kubo: “Anizange nifundze yini emiBhalweni kutsi: “ ‘Litje lelaliwa bakhi, ngobe batsi alinamsebenti, ligucuke laba litje lekusimisa indlu? Loko kwentiwa yiNkhosi. Maye, kuyasimangalisa!’

Matewu 26:24

INdodzana yeMuntfu itawufa kambe, njengobe kubhaliwe ngayo, kepha maye kulowo muntfu, iNdvodzana yemuntfu letawutsengiswa nguye! Bekuyawuba ncono kulowo muntfu kube fane akatalwanga!”

Matewu 26:31

Jesu watsi kubo: “Nonkhe nitangihlamuka kulobusuku, ngobe umBhalo utsi: “ ‘Ngitawushaya ngibulale umelusi, umhlambi wetimvu uhlakateke.’

Matewu 26:54

Pho, ingagcwaliseka kanjani imiBhalo letsi kumele kube njalo?”

Johane 16:32

Siyeta sikhatsi, nanyalo sesifikile, lapho nonkhe nitawusakateka, ngulowo nalowo abuyele ekhaya lakhe. Nitangishiya ngedvwa; kodvwa noko angingedvwa, ngobe Babe unami.

Imisebenti yebaPhostoli 1:16

“Madvodza, bazalwane, umBhalo bewufanele ugcwaliseke njengekusho kwaMoya Longcwele, lowakhuluma kadzeni ngaDavide macondzana naJudasi, lowahola labo lababopha Jesu.

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

2 kuThimothi 4:16

Ekutiphendvuleleni kwami kwekucala kute ngisho namunye lowangimela, bonkhe bangilahla. Abangabekelwa sono!