Matewu 26:45 - Siswati 1996 Bible

⁴⁵ Jesu wefika kubafundzi bakhe watsi: “Nisalele namanje, niyaphumula? Bukani-ke, sikhatsi sesisondzele, iNdvodzana yeMuntfu seyiniketwe etandleni tetoni.

Matewu 26:45 Cross References

1 Emakhosi 18:27

Emini Elija wacala wabaphukuta atsi: “Memetani kakhulu! Impela ungunkulunkulu. Mhlawumbe ujulile uyacabanga, nome uyasebenta, nome useluhambeni. Mhlawumbe ulele, ngako kufanele avuswe.”

Umshumayeli 11:9

Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.

Matewu 26:18

Watsi kubo: “Hambani niye kumuntfu lotsite edolobheni, nifike nimtjele nitsi: ‘UMfundzisi utsi: “Sikhatsi sami sesifikile; mine nebafundzi bami siyeta sitawudlela liPhasika endlini yakho.” ’ ”

Matewu 26:2

“Njengobe nati kutsi sekusele emalanga lamabili kutsi kube nguMkhosi weliPhasika, iNdvodzana yeMuntfu itawunikelwa kuze ibetselwe esiphambanweni.”

Matewu 26:44

Waphindze wabashiya futsi, wahamba wayawuthandaza kwesitsatfu, asho wona lawo mavi.

Matewu 26:46

Sukumani sambe! Bukani, lona longitsengisako sewusondzele!”

Makho 14:35

Yena wachubachubeka libangana, watilahla phansi, wakhuleka kutsi sendlule kuye lesikhatsi selusizi, nakungenteka.

Lukha 22:53

Nganginani onkhe emalanga ethempelini, anizange netame kungibopha. Kodvwa lesikhatsi senu nesemandla ebumnyama.”

Johane 12:23

Jesu wabaphendvula watsi: “Sesifikile sikhatsi sekutsi iNdvodzana yeMuntfu ikhatimuliswe.

Johane 12:27

“Manje inhlitiyo yami ilusizi. Ngitawutsini nje? Ngitsi: ‘Babe, ngisindzise kulomzuzu’? Cha, phela lapha emhlabeni ngetela lomzuzu.

Johane 13:1

Kwatsi sekutakusa kube lilanga lelilandzelwa nguMkhosi weliPhasika, Jesu ati kutsi sikhatsi sakhe sesifikile sekutsi awushiye lomhlaba aye kuYise, njengobe abebatsandzile bakhe emhlabeni, wabatsandza kwaze kwaba ngusekugcineni.

Johane 17:1

Jesu watsi kube acedze kukhuluma lamavi, wabheka etulu watsi: “Babe, sikhatsi sesifikile. Khatimulisa iNdvodzana yakho, kuze iNdvodzana itekukhatimulisa.