Matewu 26:25 - Siswati 1996 Bible

²⁵ Wase uyabuta naJudasi labetamtsengisa watsi: “Kungabe ngimi yini, Mfundzisi?” Jesu wamphendvula watsi: “Usho kona.”

Matewu 26:25 Cross References

2 Emakhosi 5:25

Yena wase uyahamba, wangena, wema embikwenkhosi yakhe Elisha. Elisha wambuta, watsi: “Uphumaphi, Gehazi?” Gehazi wamphendvula, watsi: “Inceku yakho beyingakayi ndzawo.”

Taga 30:20

Lena-ke yindlela yemfati loyingwadla: Udla esule umlomo, bese utsi: “Angikenti lutfo mine lolubi.”

Matewu 23:7

batsandza nekubingelelwa ngenhlonipho etimakethe, bantfu bababite ngekutsi: ‘Mfundisi!’

Matewu 23:8

Kepha nine ningabobitwa ngumuntfu ngekutsi: ‘Mfundisi,’ ngobe nonkhe nibazalwane, munye uMfundzisi wenu.

Matewu 26:14

Kwase kusuka lomunye webafundzi labali-12, longuJudasi Skariyothe, uya kubaphristi labakhulu.

Matewu 26:49

Wefika kuJesu masinyane watsi: “E, Mfundzisi!” Wamanga.

Matewu 26:64

Jesu waphendvula watsi: “Usho kona. Noko ngitsi kini: “ ‘Kusukela manje seniyakuyibona iNdvodzana yeMuntfu ihleti ngesekudla saLonemandla, ita ngemafu asezulwini.’ ”

Matewu 27:11

Jesu wemiswa embikwaLusibalukhulu lowambuta watsi: “Wena ungiyo yini inkhosi yemaJuda?” Jesu waphendvula watsi: “Usho kona.”

Lukha 22:70

Bonkhe batsi: “Pho, ungiyo yini iNdvodzana yaNkulunkulu?” Wabaphendvula watsi: “Niyasho kutsi ngingiyo.”

Johane 18:37

Ngako Philatu watsi: “Ngempela ungiyo yini inkhosi?” Jesu waphendvula watsi: “Uyasho wena kutsi ngiyiNkhosi. Mine ngatalelwa kona loko, futsi ngetela kona loko kulomhlaba kuze ngifakazele liciniso. Lowo loweliciniso uyaliva livi lami.”

Johane 4:31

Bafundzi bakhe base bayamncenga batsi: “Mfundzisi, asewudle phela.”