Matewu 26:13 - Siswati 1996 Bible

¹³ Ngicinisile, ngitsi kini: Nome ngukuphi lapho liyawushunyayelwa khona leliVangeli emhlabeni wonkhe, kuyawukhulunywa ngalesento sakhe, kube sikhumbuto ngaye.”

Matewu 26:13 Cross References

Tihlabelelo 112:6

Lolungile angeke anyakatiswe; uyawuhlala akhunjulwa phakadze naphakadze.

Isaya 52:9

Hlokomani ngetingoma tekujabula kanyekanye, nine tindzala taseJerusalema, ngobe Simakadze ubadvudvutile bantfu bakhe, iJerusalema uyikhululile.

Matewu 24:14

LeliVangeli ngembuso liyawushunyayelwa emhlabeni wonkhe, kuze kube bufakazi etiveni tonkhe, bese-ke kuyefika kuphela.”

Matewu 28:19

Ngako-ke hambani, nente tive tonkhe tibe bafundzi bami, nibabhabhatise egameni leYise, neleNdvodzana, nelaMoya Longcwele,

Makho 13:10

LiVangeli kufanele lishunyayelwe etiveni tonkhe kucala.

Makho 14:9

Ngicinisile, ngitsi kini: Nome kukuphi lapho liVangeli liyawushunyayelwa khona emhlabeni wonkhe, loku lakwentile kuyawuba sikhumbuto ngaye.”

Makho 16:15

Watsi kubo: “Hambani niye emhlabeni wonkhe, nishumayele liVangeli kubo bonkhe bantfu.

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Imisebenti yebaPhostoli 10:4

Wayibukisisa ngekwesaba lengilosi wase utsi: “Utsini, Nkhosi?” Ingilosi yaphendvula yatsi: “Nkulunkulu uyemukele imithandazo yakho nemisebenti yakho yesihawu, ngako-ke sewukukhumbulile.

KubaseRoma 10:18

Kodvwa ngiyabuta ngitsi: “Abakeva yini?” Empeleni bevile, “ngobe inkhulumo yabo iphumele emhlabeni wonkhe, nemavi abo asafike emikhawulweni yonkhe yemhlaba.”

KubaseRoma 15:19

abesebenta ngemandla etibonakaliso netimangaliso, nangemandla aMoya Longcwele. Ngako-ke, ngacala eJerusalema ngahamba ngijikeleta ngaze ngefika nangase-Ilirikhu ngihamba ngishumayela liVangeli laKhristu kuto tonkhe tindzawo.

2 kubaseKorinthe 10:18

Ngobe lowemukelela eNkhosini, akusiye lotincomako, kodvwa ngulowo lonconywa yiNkhosi.

KubaseKholose 1:23

Loko kungenteka kuphela nangabe nine nihlala ekukholweni, futsi nisekelekile, nisimile, ninganyikanyiswa lutfo ekwetsembeni kwenu liVangeli lenalitfola, naliva lishunyayelwa emhlabeni wonkhe jikelele. Mine Pawula ngentiwa ngaba sikhonti salo lelo Vangeli.

KubaseKholose 1:6

Lona lifike kini, njengaloku likhona nasemhlabeni wonkhe jikelele; futsi litsela titselo landze, njengobe nakini kunjalo, seloku kwesukela mhlazana niva kahle ngebunjalo beliciniso lemusa waNkulunkulu.

1 kuThimothi 2:6

lowatinikela kutsi abe yinhlawulo yabo bonkhe, loko kwaba bufakazi ngesikhatsi lesifanele.

KumaHebheru 6:10

Ngobe phela Nkulunkulu akakhetsi, futsi angeke ayikhohlwe imisebenti yenu nelutsandvo lenilukhombise ekusiteni labangcwele, njengobe nenta namanje.

Sembulo 14:6

Ngase ngibona lenye ingilosi indiza emkhatsini esibhakabhakeni, iphetse liVangeli lelingunaphakadze lekushunyayelwa kulabo labahlala emhlabeni, etiveni tonkhe, nasemindenini yonkhe, nasetilimini tonkhe, nakubantfu bonkhe.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.