Matewu 24:22 - Siswati 1996 Bible

²² Kube lawo malanga akafinyetwanga bekuyakubate longasindziswa; kepha ngenca yalabakhetsiwe lawo malanga ayawufinyetwa.

Matewu 24:22 Cross References

Isaya 6:13

Nome ngabe kusekhona kwelishumi lokusasele kulo live, nako futsi kuyawulahlwa kungabi namsebenti. Kodvwa-ke njengobe umtherebinte nem-okhi kushiya tiphunti nakugawuliwe, kanjalo nenhlanyelo lengcwele iyawuba siphunti eveni.”

Zakhariya 13:8

Simakadze utsi: “Eveni lonkhe tincenye letimbili kulokutsatfu kuyawushaywa kubhujiswe; noko incenye yesitsatfu iyawusala kulo.

Zakhariya 14:2

Ngiyakubutsela tonkhe tive eJerusalema kutekulwa nayo; lelidolobha liyawutfunjwa, tindlu tiphangwe, nebesifazane badlwengulwe. Incenye yebantfu balelidolobha iyawutfunjwa, kodvwa laba labanye bantfu labayawube basele bangeke basuswe kulelidolobha.

Matewu 22:14

“Ngobe banyenti labamenyiwe, kodvwa bambalwa labakhetsiwe.”

Matewu 24:24

Ngobe kuyawuvela bokhristumbumbulu, nebaphrofethi bemanga, bente tibonakaliso letinkhulu netimangaliso, kuze kudukiswe nalabakhetsiwe nakunekwenteka.

Matewu 24:31

Iyawutfumela tingilosi tayo ngekukhala lokukhulu kwelicilongo, tibutse bonkhe labakhetsiwe bayo emagumbini omane emhlaba, kusukela emkhawulweni lomunye welizulu kuze kube kulomunye.”

Makho 13:20

Kube futsi Nkulunkulu abengakawafinyeti lawo malanga, kute namunye labeyawusindziswa; kodvwa ngenca yalabakhetfwe nguye wawafinyeta lawo malanga.

Lukha 18:7

Pho, Nkulunkulu utakwehlulwa yini kubevela labakhetsiwe bakhe, labakhala kuye imini nebusuku bacela lusito? Uyawubina yini ekubasiteni?

KubaseRoma 9:11

Injongo yaNkulunkulu yekukhetsanchanti ayigucuki. Kwatsi lamaphahla angakatalwa, asengakenti lutfo lokulungile nalokungakalungi,

2 kuThimothi 2:10

Ngako-ke ngicinisela kuko konkhe ngenca yalabakhetsiwe, kuze kutsi nabo batekwemukela insindziso lekuKhristu Jesu baphiwe nebukhosi baphakadze.

1 yaPhetro 1:1

Lencwadzi iphuma kuPhetro, umphostoli waJesu Khristu; iya kulabakhetsiwe lababakhoseli labasakatekele ePhontusi, naseGalathiya, naseKhaphadosiya, nase-Asiya, naseBhithiniya.