Matewu 23:8 - Siswati 1996 Bible

⁸ Kepha nine ningabobitwa ngumuntfu ngekutsi: ‘Mfundisi,’ ngobe nonkhe nibazalwane, munye uMfundzisi wenu.

Matewu 23:8 Cross References

Matewu 10:25

Ngako-ke umfundzi kufanele eneliswe kutsi ufanana nemfundzisi wakhe, nenceku kufanele yeneliswe kutsi ifanana nenkhosi yayo. Nangabe inhloko yemuti kwatsiwa nguBhelzebule, emalunga alowo muti ayawubitwa ngemagama lamabi kakhulu!”

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Matewu 23:10

Futsi ningabitwa ngumuntfu ngekutsi nibaholi, ngobe munye umholi wenu, longuKhristu.

Matewu 23:7

batsandza nekubingelelwa ngenhlonipho etimakethe, bantfu bababite ngekutsi: ‘Mfundisi!’

Matewu 26:25

Wase uyabuta naJudasi labetamtsengisa watsi: “Kungabe ngimi yini, Mfundzisi?” Jesu wamphendvula watsi: “Usho kona.”

Matewu 26:49

Wefika kuJesu masinyane watsi: “E, Mfundzisi!” Wamanga.

Makho 10:51

Jesu wayibuta watsi: “Ufuna ngikwenteleni?” Lemphumphutse yatsi: “Mfundzisi wami, mane ngibone nje.”

Makho 11:21

Phetro wayikhumbula indzaba yangayitolo, wase utsi: “Mfundzisi, buka lesa sihlahla losicalekise itolo, sesomile.”

Makho 14:45

Watsi kube efike nje Judasi wacondza ngco kuJesu, watsi: “Mfundzisi!” Wamanga.

Makho 9:5

Phetro watsi kuJesu: “Mfundzisi, kuhle lokutsi sibe lapha. Asakhe emathende lamatsatfu, linye litawuba lakho, lelinye libe laMosi, lelinye libe la-Elija.”

Lukha 22:32

Noko sengikukhulekele, Simoni, kuze kungehluleki kukholwa kwakho. Nase uphendvukile wabuya kimi, kufanele ucinise nalabanakenu.”

Johane 1:38

Jesu watsi uyagucuka wababona bamlandzela, wababuta watsi: “Nifunani?” Bamphendvula batsi: “Rabi” (lokusho kutsi: “Mfundzisi”), “uhlalaphi?”

Johane 1:49

Nathanayeli waphendvula watsi: “Mfundzisi, wena uyiNdvodzana yaNkulunkulu, uyiNkhosi yaka-Israyeli!”

Johane 11:8

Bafundzi bakhe batsi: “Mfundzisi, khona nyalo emaJuda abesandza kufuna kukugcoba ngematje, kepha wena usafuna kubuyela khona nanyalo?”

Johane 20:16

Jesu watsi kuye: “Mariya!” Wagucuka wasabela ngesiHebheru watsi: “Rabhuni,” lokusho kutsi: “Mfundzisi.”

Johane 3:2

Weta kuJesu ngalobunye busuku, wefike watsi: “Mfundzisi, siyati kutsi wena ungumfundzisi lophuma kuNkulunkulu. Ngobe kute umuntfu longenta timangaliso letingaka, nakate Nkulunkulu.”

Johane 3:26

Ngako-ke base beta kuJohane, befika batsi: “Mfundzisi, uyayikhumbula yini lendvodza bewunayo uyifakazela ngesheya kweJordane? Seyiyabhabhatisa nyalo, bonkhe bantfu sebaya kuyo!”

Johane 4:31

Bafundzi bakhe base bayamncenga batsi: “Mfundzisi, asewudle phela.”

Johane 6:25

Batsi kube bamtfole asangesheya kwelwandle, batsi kuye: “Mfundzisi, ufike nini lapha?”

Johane 9:2

Bafundzi bakhe bambuta batsi: “Mfundzisi, kwabangelwa sono sabani lokutsi lomuntfu atalwe ayimphumphutse? Sono sakhe yini nome sebatali bakhe?”

2 kubaseKorinthe 1:24

Asisho kutsi tsine sitikhulu etikwekukholwa kwenu, kodvwa sibambisene nani ekusebenteleni kujabula kwenu, ngobe nisimile ekukholweni.

2 kubaseKorinthe 4:5

Asitishumayeli tsine, kodvwa sishumayela kutsi Khristu Jesu uyiNkhosi, tsine-ke sitisebenti tenu ngenca yakhe.

Kubase-Efesu 3:15

leyetsiwa ngaye yonkhe imindeni yasezulwini neyasemhlabeni,

kuFilemoni 1:16

Manje akasabuyi njengesigcili, kodvwa sengumzalwane lotsandzekako. Njengobe angulotsandzeka kangaka kimi, kangakanani-ke kuwe! Phela sewuligugu kuwe, hhayi njengobe asigcili sakho kuphela, kodvwa njengemzalwane wakho eNkhosini.

YaJakobe 3:1

Bazalwane bami, akukuhle kutsi linyenti lenu libe bafundzisi, nati kutsi tsine lesifundzisako siyakwemukeliswa kwehlulelwa lokumatima.

1 yaPhetro 5:3

Ningatenti emakhosi etikwalabo lenibaphetse, kodvwa nibe tibonelo letinhle emhlambini leniwelusile.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.

Sembulo 19:10

Ngase ngiwela ngasetinyaweni tayo ngayikhotsama, kodvwa yatsi kimi: “Ungakwenti loko! Nami ngisisebenti kanye nawe nebazalwane bakho labanebufakazi baJesu. Khotsama Nkulunkulu.” Ngobe bufakazi baJesu bunguMoya wesiphrofetho.

Sembulo 22:9

Yatsi kimi: “Ungakwenti loko. Nami ngisisebenti nje njengawe, nebazalwane bakho lababaphrofethi, kanye nabo bonkhe labawentako lamavi alencwadzi. Khotsama Nkulunkulu.”