Matewu 23:5 - Siswati 1996 Bible

⁵ Konkhe labakwentako kwekutiveta kubantfu. Ngobe la etinhloko tabo sebandzise emabhande lanetikhehle temabhokisana letinemavesi emiBhalo, bese belula timvakaza temijiva yabo.

Matewu 23:5 Cross References

2 Emakhosi 10:16

Jehu watsi: “Hamba nami ubone inshisekelo yami ngaSimakadze.” Ngako wamgibelisa encoleni yakhe wahamba naye.

Eksodusi 13:9

Lomkhosi uyawufanana nesibonakaliso lesiboshelwe esandleni sakho nesikhumbuto lesinanyatsiselwe ebuntini lakho. Loko kuyawunikhumbuta kutsi umtsetfo waSimakadze niwati ngenhloko nikhulume ngawo, ngobe Simakadze wanikhipha eGibhithe ngesandla sakhe lesinemandla.

Taga 3:3

Ungehlukani nenhlonipho nekwetsembeka; kukhungele entsanyeni yakho, ukubhale etibhelekeceni tenhlitiyo yakho.

Levithikusi 13:32

Ngelilanga lesikhombisa umphristi asihlolisise futsi, nangabe asikandzi, neboya lobumtfubi abukho kuso kantsi asikagubhi,

Matewu 9:20

Bekukhona umfati lotsite labenesifo sekopha, sesimgulise iminyaka leli-12. Weta ngemvakwaJesu, watsintsa umphetfo wengubo yakhe,

Lukha 16:15

Kodvwa Jesu watsi kubo: “Nitenta labalungile emehlweni ebantfu, kodvwa Nkulunkulu uyatati tinhlitiyo. Loko bantfu labacabanga kutsi kuyintfo lenkhulu lebalulekile, kusinengiso ebusweni baNkulunkulu.

Lukha 20:47

tidla tindlu tebafelokati, bese titentisa ngekuthandaza imithandazo lemidze. Tiyakwemukela sijeziso lesikhulu.”

Johane 12:43

Babetsandza kakhulu kudvunyiswa bantfu kunekudvunyiswa nguNkulunkulu.

Johane 5:44

Ningakholwa kanjani nine nidvumisana nodvwana nje, ningalufuni ludvumo loluvela kuNkulunkulu, lokunguye yedvwa?

Johane 7:18

Lotikhulumela kwakhe ufuna ludvumo lwakhe, kepha lofuna ludvumo lwalowo lamtfumile, lowo ucinisile, futsi kute kungalungi kuye.

Dutheronomi 11:18

“Lamavi ami niyakuwagcina etinhlitiyweni tenu, niwanamatselise nasetingcondvweni tenu, niyakuwabophela abe luphawu etandleni tenu, abe ngimihlobiso yemabunti enu.

Dutheronomi 22:12

“Sembatfo losembatsako emakoneni aso omane ubositfungela timvakaza.”

Dutheronomi 6:8

Niyakuyibophela ibe timphawu etandleni tenu nasemabuntini enu.

KubaseFiliphi 1:15

Kantsi labanye bashumayela Khristu ngemona nangembango, kepha labanye ngenhlitiyo lenhle.

KubaseFiliphi 2:3

Ningenti lutfo ngembango nangeludvumo lwelive, kepha ngekutfobeka nishaye kungatsi labanye bakhulu kunani.

2 kubaseThesalonika 2:4

Lowo uyakuhlala aphika atiphakamise ngetulu kwako konkhe lokubitwa ngaNkulunkulu nome lokukhontwako, kuze atewuhlala endzaweni lengcwele yaNkulunkulu, atigabatise yena ngekutsi unguNkulunkulu.