Matewu 23:4 - Siswati 1996 Bible

⁴ Babopha imitfwalo lesindzako, bayibeke emahlombe alabanye bantfu, kepha bona abafuni kuyifukula, ngisho nangemuno wabo.

Matewu 23:4 Cross References

Isaya 46:1

Beli uyaguca, Nebo uyakhotsama. Titfombe tabo tetfwelwe tilwane tekwetfwala. Letitfombe tabo lababetetfwala setiyasindza, tingumtfwalo kuletilwane letidziniwe.

Matewu 23:23

“Maye kini, bafundzisi bemtsetfo nebaFarisi! Batentisi! Ngobe nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo: kwehlulela, bubele, nekukholwa; loko benifanele kukwenta ngaphandle kwekuyekela loku.

Matewu 23:3

Ngako-ke kwenteni konkhe labanitjela kona nikugcine, kodvwa ningenti njengemisebenti yabo, ngobe bayakhuluma bangabe basenta.

Lukha 11:46

Jesu waphendvula watsi: “Maye kini nani futsi, tati temtsetfo! Netfwesa bantfu imitfwalo lekulukhuni kuyetfwala, kodvwa nani matfupha aniyitsintsi ngisho nangemuno wenu leyo mitfwalo.

Imisebenti yebaPhostoli 15:10

Pho, nifunelani kulinga Nkulunkulu ngekubeka lijoko emahlombe emakholwa lokungazange bokhokho nome tsine sibe nemandla ekuletfwala?

Imisebenti yebaPhostoli 15:28

“Moya Longcwele kanye natsi sivumelene ngekutsi singanetfwesi lomunye umtfwalo ngaphandle kwalemiyalo ledzingekile:

KubaseGalathiya 6:13

Ngobe nemaJuda akakwenti lokufunwa ngumtsetfo, kodvwa bafisa kutsi nine nisoke, kuze phela batetigabatisa ngani kuloko.

1 yaJohane 5:3

Ngobe kutsandza Nkulunkulu kugcina imiyalo yakhe. Imiyalo yaNkulunkulu ayimatima kitsi.

Sembulo 2:24

“ ‘Kodvwa nonkhe nine lenisasele lapho eThiyathira, lenisengakangeni kulemfundziso, nani lenisengakatifundzi letintfo, labanye labatibita ngekutsi tintfo letijulile taSathane, kini-ke ngitsi: Anginetfwesi lomunye umtfwalo.