Matewu 23:39 - Siswati 1996 Bible

³⁹ Ngiyanitjela ngitsi: Ningeke niphindze ningibone nize nitsi: ‘Ubusisiwe lotako egameni leNkhosi.’ ”

Matewu 23:39 Cross References

Tihlabelelo 118:26

Ubusisiwe lotako egameni laSimakadze. Sinibusisa sisendlini yaSimakadze.

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Matewu 21:9

Leticumbi letatihamba embikwakhe naletatimlandzela tatimemeta titsi: “Hosana kuyo iNdvodzana yaDavide! Ubusisiwe lotako egameni leNkhosi! Hosana kulelisetulu kakhulu!”

Lukha 17:22

Wase utsi kubafundzi bakhe: “Siyeta sikhatsi lapho niyawufisa shangatsi ningabona linye nje lemalanga eNdvodzana yeMuntfu, kodvwa ningeke nilibone.

Johane 14:19

Kodvwa sekusele sikhashana live lingabe lisangibona, noko nine niyawungibona, ngobe mine ngiphila, nani futsi niyawuphila.

Johane 14:9

Jesu watsi kuye: “Senginesikhatsi lesidze nginani, kodvwa nanyalo awukangati, Filiphu? Lowo losabone mine, umbonile naBabe. Usho kanjani kutsi: ‘Sibonise uYihlo’?

Johane 8:21

Jesu waphindza futsi watsi kubo: “Ngiyahamba mine, niyawungifuna, nifele etonweni tenu. Ningeke nikhone kuya lapho ngiya khona mine.”

Johane 8:24

Ngiko nje ngatsi kini: ‘Nitawufela etonweni tenu, naningakholwa kutsi: “Mine Nginguye leNginguye.” ’ ”

Johane 8:56

Uyihlo Abrahama wajabulela kubona lilanga lami. Walubona, wajabula.”

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.