Matewu 23:23 - Siswati 1996 Bible

²³ “Maye kini, bafundzisi bemtsetfo nebaFarisi! Batentisi! Ngobe nikhipha kwelishumi kwashaladi, napelepele, nelidile, niyekele lokungukona kubalulekile kwemtsetfo: kwehlulela, bubele, nekukholwa; loko benifanele kukwenta ngaphandle kwekuyekela loku.

Matewu 23:23 Cross References

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Isaya 28:25

Nase awulime kahle umhlabatsi wakhe wawuhlanganisa waba kahle, uyaye angabe asayihlanyela yini inhlanyelo yakhe yetinandzisi, asakate nekhumini yakhe? Akahlanyeli kolo yini endzaweni yakhe, nebhali ensimini yayo, nemabele ensimini yawo?

Jeremiya 22:3

Naku lokushiwo nguSimakadze, utsi: Yentani loko lokucotfo nalokulungile. Nimephule esandleni semcindzeteli wakhe lowo lodlelelwe. Ningakwenti lokubi nome nimphatse ngebudlova lowo losihambi nalongenayise, nemfelokati, futsi ningayicitsi ingati yemuntfu longenacala kulendzawo.

Hoseya 6:6

Ngobe ngifuna sihawu, hhayi umhlatjelo, ngifuna nekumati Nkulunkulu kuneminikelo yekushiswa.

Levithikusi 27:30

“ ‘Konkhe kwelishumi kwako konkhe lokulinywako kwetilimo nome kwetitselo kwaSimakadze; kungcwele kuSimakadze.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Matewu 12:7

Kepha kube benati kutsi kusho kutsini kutsi: ‘Ngifuna sihawu, hhayi umhlatjelo,’ ngabe anibalahlanga labo labangenalo licala.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Lukha 11:42

“Kodvwa maye kini, baFarisi! Ngobe nikhipha kwelishumi kwashaladi, napelepele, netinandzisi tonkhe nivilaphele kulunga nekutsandza Nkulunkulu; loko benifanele kukwenta ngaphandle kwekukuvilaphela loku.

Lukha 18:12

Ngizila kudla emalanga lamabili ngeliviki ngikunika kwelishumi kwako konkhe lengikwemukelako.’

1 Samuweli 15:22

Samuweli wakhuluma watsi: “Simakadze uyajatjuliswa yini ngiminikelo yekushiswa nemihlatjelo kunekulalelwa kwelivi laSimakadze? Kulalela kuncono kunemhlatjelo, kucaphela nekunaka kuncono kunemanoni etihhanca.