Matewu 22:3 - Siswati 1996 Bible

³ Yatfumela tisebenti tayo kutsi tiyewubita lababemenyiwe kuta emshadweni, kodvwa abavumanga kuta.

Matewu 22:3 Cross References

Tihlabelelo 68:11

Simakadze wakhipha umyalo wakhe. Sicumbi lesikhulu salabasikati saphuma salilitela satsi:

Isaya 30:15

Naku lokushiwo yiNkhosi Simakadze, Longcwele waka-Israyeli, utsi: “Ekuphendvukeni nasekuphumuleni ngulapho kunensindziso yenu khona; ekuthuleni nasekwetsembeni ngulapho kunemandla enu khona; kodvwa ningeke nitsandze lutfo lwako.

Jeremiya 25:4

Lite nome Simakadze asanitfumelele tonkhe tinceku takhe baphrofethi emaphindzephindze, anikalaleli, futsi aninakanga nekunaka.

Jeremiya 35:15

Ngatfumela kini tonkhe tinceku tami baphrofethi emaphindzephindze. Babetsi: “Ngulowo nalowo kini kufanele atiyekele tindlela takhe letimbi, nijikise imihambo yenu. Ningacali nilandzele labanye bonkulunkulu kutsi nibakhonte. Nanenta njalo-ke, niyawuhlala kulelive lengalipha nine naboyihlo.” Kodvwa anikanginaki, futsi anikangilaleli.

Hoseya 11:2

Kodvwa ngatsi ngisachubeka kubita Israyeli, nabo bachubeka bakhwesha kimi. Banikela imihlatjelo kuboBhali, batfuncisela titfombe imphepho.

Hoseya 11:7

Bantfu bami batimisele kusuka kimi. Ngisho nome sebangambita Longetulu Kwako Konkhe, angeke abaphakamise ngisho nangayiphi indlela.

Zefaniya 1:7

“Thula embikweNkhosi Simakadze, ngobe lilanga laSimakadze selisondzele. Simakadze sewulungise umhlatjelo; ubehlukanisile labo labamemile.

Matewu 21:34

Kwatsi nasekufika sikhatsi sekuvuna emagelebisi, watfumela tisebenti takhe kuleto ticashi kutsi timlandzele incenye yesivuno lekuyakhe.

Matewu 23:37

“Jerusalema, Jerusalema! Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfu bakho, njengesikhukhukati sifukamela emantjwele aso, kodvwa awuzange sewungivumele!

Matewu 3:2

atsi: “Phendvukani, ngobe umbuso welizulu sewusondzele.”

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Lukha 15:28

“Indvodzana lenkhulu yatfukutsela yabila, yase iyala nekungena lapha ekhaya. Kwadzimate kwaphuma uyise wayakuyincenga;

Lukha 19:27

Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”

Johane 5:40

Kepha anivumi kuta kimi kuze phela nitewuba nekuphila.

Imisebenti yebaPhostoli 13:45

Lapho emaJuda abona ticuku, aba nemona; aphikisa Pawula kuloko abekusho, ametfuka.

KubaseRoma 10:21

Kodvwa nga-Israyeli utsi: “Lonkhe lilanga ngelulela tandla tami esiveni lesingalaleli nalesinenkhani.”

KumaHebheru 12:25

Caphelani ningamali lowo lokhulumako: Nangabe bangaphunyulanga labo labamala lowo abebacaphelisa alapha emhlabeni, natsi-ke singeke siphunyule, nasala kutsatsa tecwayiso talowo lokhuluma asezulwini.

KumaHebheru 9:15

Ngako-ke unguMlamuli wesivumelwane lesisha, kuze kutsi labo lababitiwe batfole lifa laphakadze; ngobe ngekufa kwakhe sebakhululwe etiphambukweni tabo tesikhatsi sesivumelwane sekucala.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

1 Samuweli 9:13

Nitawutsi nisangena edolobheni, nimkhandze asengakaphumi kwenyukela entsabeni kuyakudla. Bantfu bangeke bacale kudla angakefiki, ngobe phela kufanele awubusise lomhlatjelo; emvakwaloko-ke, labo labamenyiwe batawube sebayadla. Yenyukani, nifanele kumkhandza ngaso lesikhatsi.”