Matewu 22:12 - Siswati 1996 Bible

¹² yatsi kuye: ‘Mnganami, ungene njani lapha ungenayo ingubo yemshado?’ Kepha yena wathula.

Matewu 22:12 Cross References

Jobe 5:16

Ngako labamphofu ubanika litsemba, bese kutsi kungetsembeki kuvalwe umlomo.

Tihlabelelo 107:42

Labacotfo bayakubona loku bajabule, kodvwa bonkhe lababi bayathula.

Jeremiya 2:23

“Ungasho kanjani-ke utsi: ‘Angikangcoliswa, angikabalandzeli boBhali’? Ase ubuke kutsi watiphatsa njani esihosheni, cabangisisa ngaloko lokwentile. Ulikamela lelisikati leligijima kakhulu, leligijima lapha nalapha,

Jeremiya 2:26

“Njengobe lisela lihlazeka nase libanjiwe, kanjalo nendlu yaka-Israyeli ihlazekile, bona, nemakhosi abo, netindvuna tabo, nebaphristi babo kanye nebaphrofethi babo.

Matewu 20:13

“Waphendvula watsi kulomunye wabo: ‘Mnganami, phela angikoni; kantsi kakadze besingakavumelani ngadenariyo munye yini nawe?

Matewu 26:50

Jesu watsi kuye: “Mngami, yenta loko lokutele la!” Base bayamdvumela bambamba.

Matewu 5:20

Ngobe ngiyanitjela impela ngitsi: Ngaphandle kwekutsi kulunga kwenu kwendlule kwetati temtsetfo nekwebaFarisi, ningeke ningene embusweni welizulu.”

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

1 kubaseKorinthe 4:5

Ngako-ke ningacali kwehlulela lutfo sikhatsi singakefiki, neNkhosi ingakefiki. Ngiyo leyawuveta ekukhanyeni lokufihlakele ebumnyameni, ivete ebaleni imicabango yetinhlitiyo. Lapho-ke ngulowo nalowo muntfu uyawutfola kubongwa lokuvela kuNkulunkulu.

kuThithusi 3:11

wati kutsi lowo lonjalo sewuphambukile, wonile, utehlulele yena.

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.