Matewu 21:43 - Siswati 1996 Bible

⁴³ “Ngako-ke, nginitjela kutsi: Umbuso waNkulunkulu uyawutsatfwa kini, unikwe bantfu labayawutsela titselo letifanele. [

Matewu 21:43 Cross References

Eksodusi 19:6

Niyawuba ngumbuso webaphristi, nibe sive lesingcwele.’ Ngulawo-ke emavi lotawufike uwakhulume esiveni saka-Israyeli.”

Isaya 26:2

Vulani emasango, kuze sitewungena sive lesilungile, sive lesigcina kukholwa.

Isaya 28:2

Buka la, Simakadze unaye lonemandla nalocinile. Njengesangcotfo nesivunguvungu lesibhubhisako, nanjengemvula lekhukhulako, nesihhuhhula semanti, uyakulisacata phansi emhlabatsini ngemandla lamakhulu.

Matewu 12:28

Kepha nangabe ngikhipha emadimoni ngaMoya waNkulunkulu, kusho kutsi umbuso waNkulunkulu sewufikile-ke kini.

Matewu 21:41

Bamphendvula batsi: “Uyawutibhubhisa kabi leticashi letimbi, atsatse lesivini sakhe acashise ngaso kuletinye ticashi letiyakumnika titselo ngetikhatsi tato.”

Matewu 21:42

Jesu watsi kubo: “Anizange nifundze yini emiBhalweni kutsi: “ ‘Litje lelaliwa bakhi, ngobe batsi alinamsebenti, ligucuke laba litje lekusimisa indlu? Loko kwentiwa yiNkhosi. Maye, kuyasimangalisa!’

Matewu 21:44

Wonkhe lowela etikwalelitje uyawuhlifika, abe ticucu; kantsi leliyakuwela etikwakhe, lelitje liyawumsila, abe ngumcaba.]”

Johane 3:3

Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Johane 3:5

Jesu wamphendvula watsi: “Ngicinisile, ngicinisile, ngitsi kuwe: Ngaphandle kwekutsi umuntfu atalwe ngemanti nangaMoya, angeke angene embusweni waNkulunkulu.

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.