Matewu 21:17 - Siswati 1996 Bible

¹⁷ Jesu waphuma kulelo dolobha wabashiya, waya eBhetani, lapho wefika walala khona.

Matewu 21:17 Cross References

Jeremiya 6:8

Tsatsa seluleko, wena Jerusalema, nome-ke ngitakufulatsela nawungasitsatsi, live lakho ngilente lisale lilihlane, khona kutebate umuntfu lohlala kulo.”

Hoseya 9:12

Nome ngabe bakhulisa bantfwana babo, ngiyawubemuka bona kungasali muntfu. Maye kubo, mhlazane ngibafulatsela.

Matewu 16:4

Situkulwane lesibi nalesiphingako ngekungetsembeki kuNkulunkulu sifuna sibonakaliso, kepha ngeke sisitfole ngisho nasinye ngaphandle kwesibonakaliso saJona.” Wesuka lapho, wahamba.

Matewu 26:6

Watsi Jesu aseseBhetani endlini yaSimoni labenebulephelo,

Makho 11:1

Batsi kube basondzele eJerusalema sebasedvute naseBhethifage neBhetani, ngaseNtsabeni Yemincumo, Jesu watfumela bafundzi bakhe lababili,

Makho 11:11

Jesu wangena-ke eJerusalema, wacondza ngekhatsi ethempelini. Watsi kube acedze kubuka konkhe, wase uyengca uya eBhetani ngobe kwase kuhlwile, abehamba kanye nebafundzi bakhe lababeli-12.

Makho 11:19

Kwatsi nakuhwalala Jesu nebafundzi bakhe baphuma edolobheni laseJerusalema.

Makho 14:3

Jesu abeseBhetani, ekhaya kaSimoni lowake waba lilephelo. Watsi Jesu asadla, kwefika umfati aphetse sigujana lesasakhiwe ngelitje lembiza, sigcwele emafutsa langemakha enadi ladule kakhulu. Wasivula lesigujana, watsela lamakha enhloko yaJesu.

Makho 3:7

Jesu wahamba nebafundzi bakhe baya ngaseLwandle LwaseGalile. Ticumbi tebantfu letatiphuma eGalile naseJudiya tamlandzela.

Lukha 10:38

Kwatsi asahamba Jesu nebafundzi bakhe, wase yena uphambukela emtini lotsite lapho emukelwa nguMata endlini yakhe.

Lukha 19:29

Kwatsi lapho Jesu asasondzela eBhethifage naseBhetani, eNtsabeni yetihlahla temiNcumo, watfumela bafundzi lababili,

Lukha 24:50

Wase uphuma nabo, wabahola, waze wefika eBhetani, waphakamisa tandla takhe, wababusisa.

Johane 11:1

Bekukhona indvodza lebeyigula, libito layo kunguLazaro. BeyiyaseBhetani, lidolobha lekhaboMariya nadzadzewabo, Mata.

Johane 11:18

IBhetani beyisedvutane neJerusalema; kungaba ngemakhilometha lamatsatfu kusuka eJerusalema uye eBhetani.