Matewu 21:15 - Siswati 1996 Bible

¹⁵ Baphristi labakhulu netati temtsetfo tatfukutsela tacansuka natibona letimangaliso labetenta Jesu, nebantfwana bamemeta ethempelini batsi: “Hosana kuyo iNdvodzana yaDavide!”

Matewu 21:15 Cross References

Isaya 26:11

Simakadze, sandla sakho siphakamele etulu, kodvwa noko abasiboni. Bente babone inshisekelo yakho ngesive sakho, batewudliwa ngemahloni. Akutsi umlilo lowugcinele titsa takho udle bona ubacedze.

Matewu 20:24

Batsi nabakuva loko labafundzi labalishumi, batitfukutselela letelamani letimbili.

Matewu 21:23

Jesu wabuyela ethempelini kuyawufundzisa, baphristi labakhulu netibondza temaJuda beta kuye bambuta batsi: “Loku ukwenta ngamaphi emandla? Kona ngubani lona lokunike lamandla?”

Matewu 21:9

Leticumbi letatihamba embikwakhe naletatimlandzela tatimemeta titsi: “Hosana kuyo iNdvodzana yaDavide! Ubusisiwe lotako egameni leNkhosi! Hosana kulelisetulu kakhulu!”

Matewu 22:42

watsi: “Nitsini ngaKhristu? Nitsi uyiNdvodzana yabani?” Bamphendvula batsi: “YaDavide.”

Matewu 26:3

Baphristi labakhulu netibondza temaJuda babutsana esigodlweni sakaKhayafase, umPhristi Lomkhulu,

Matewu 26:59

Baphristi labakhulu neLiqoqo lonkhe baphenyisisa Jesu bafuna bufakazi lobungemanga, khona batewumlahla ngelicala lekufa.

Matewu 27:1

Ekuseni lokwa ngeluvivi baphristi labakhulu netibondza tesive benta lisu lekubulala Jesu.

Matewu 27:20

Kepha baphristi labakhulu netibondza bativumisa leticumbi kutsi ticele Bharaba, kubulawe Jesu.

Matewu 9:27

Jesu asendlula lapho, timphumphutse letimbili tamlandzela, timemeta titsi: “Ndvodzana yaDavide! Sihawukele!”

Makho 11:18

Baphristi labakhulu kanye netati temtsetfo batsi kube bakuve loko, bafuna indlela lababengabulala ngayo Jesu, ngobe phela babemesaba, kwatise kutsi tonkhe ticuku tatitsatsekile ngalemfundziso yakhe, timangele.

Lukha 20:1

Ngalelinye lilanga Jesu asafundzisa ashumayela bantfu ethempelini ngeliVangeli, baphristi labakhulu netati temtsetfo kanye netibondza beta

Lukha 22:2

Baphristi labakhulu netati temtsetfo betama kwenta lisu lekubulala Jesu; noko babesaba bantfu.

Lukha 22:66

Ekuseni Liqoqo letibondza temaJuda, nebaphristi labakhulu, netati temtsetfo tahlangana ndzawonye, naJesu waletfwa kuleLiqoqo labo.

Johane 11:57

Baphristi labakhulu nebaFarisi base bakhipha simemetelo sekutsi nakukhona lowatiko lapho akhona Jesu, abobabikela, kuze batembamba.

Johane 12:19

Ngako baFarisi bakhuluma bodvwana batsi: “Niyabona yini kutsi shangatsi asenti lutfo; live lonkhe liyamlandzela lomuntfu!”

Johane 4:1

BaFarisi beva kutsi Jesu abetfola, futsi abhabhatisa bafundzi labanyenti kunaJohane.

Johane 7:42

UmBhalo kawushongo yini kutsi: ‘Khristu uvela entalweni yaDavide, eBhetlehema lapho abehlala khona Davide’?”