Matewu 21:1 - Siswati 1996 Bible

¹ Batsi kube basondzele eJerusalema, sebefikile eBhethifage, ngaseNtsabeni Yemincumo, Jesu watfuma bafundzi bakhe lababili,

Matewu 21:1 Cross References

Zakhariya 14:4

Ngalelo langa tinyawo takhe tiyakuma etikweNtsaba Yemincumo, ngasemphumalanga kweJerusalema, bese kutsi leNtsaba Yemincumo ichekeke ekhatsi kusukela ngasemphumalanga kuye ngasenshonalanga, kwakheke sigodzi lesikhulu, incenye yalentsaba iyawukhweshela ngasenyakatfo, kutsi incenye lenye ikhweshele ngaseningizimu.

Matewu 20:34

Jesu watihawukela, watsintsa emehlo ato, tabona masinyane, tase tiyamlandzela.

Matewu 21:2

watsi kubo: “Hambani niye edolobhaneni lelibhekene nani, nitawukhandza imbongolo iboshiwe inelitfole layo; titfukululeni, nitiletse kimi!

Matewu 24:3

Watsi Jesu asehleti eNtsabeni Yemincumo, bafundzi bakhe beta kuye ngasense, batsi: “Sitjele kutsi letintfo tiyakwenteka nini, kuyakwentekani lokuyawukhombisa kutsi sesikhatsi sekubuya kwakho nekutsi sekuphela kwetikhatsi?”

Matewu 26:30

Batsi sebacedze kuhlabela liculo lekubonga, baphuma baya eNtsabeni Yemincumo.

Makho 13:3

Jesu abehleti eNtsabeni Yemincumo abhekene nelithempeli. BoPhetro, naJakobe, naJohane, na-Andreya bambuta babodvwana naye batsi:

Makho 14:26

Batsi kube bacedze kuhlabela ingoma yekubonga, baphuma baya eNtsabeni Yemincumo.

Lukha 21:37

Emini Jesu abefundzisa ethempelini, bese kutsi ebusuku ayewukhosela eNtsabeni Yemincumo.

Lukha 22:39

Jesu wesuka wahamba, waya eNtsabeni Yemincumo njengobe abevamile; nebafundzi bakhe bahamba naye.

Johane 8:1

Jesu wesuka lapho waya eNtsabeni Yemincumo.

Imisebenti yebaPhostoli 1:12

Baphostoli besuka eNtsabeni Yemincumo babuyela eJerusalema, kulibangana nje lelingaphansana kancane kwelikhilometha.