Matewu 20:23 - Siswati 1996 Bible

²³ Jesu watsi: “Yebo-ke, nitayinatsa leyo ndzebe, kantsi kuhlala ngesekudla sami nangesancele akusiko kwami kutsi ngephane ngako, kodvwa kwalabo labakulungiselelwe nguBabe.”

Matewu 20:23 Cross References

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Matewu 20:24

Batsi nabakuva loko labafundzi labalishumi, batitfukutselela letelamani letimbili.

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Makho 10:40

Kodvwa tikhundla tekuhlala ngesekudla nome ngesancele sami akusiko kwami kutsi ngephane ngato; kodvwa talabo labalungiselelwe tona nguNkulunkulu.”

Imisebenti yebaPhostoli 12:2

Wabulala Jakobe, umnakaboJohane, ngenkemba.

KubaseRoma 8:17

Njengobe sibantfwana bakhe nje, sitindlalifa futsi: Sitindlalifa taNkulunkulu, yebo, sitindlalifa kanye naKhristu; nangabe phela sihlupheka kanye naye siyawukhatimuliswa kanye naye.

1 kubaseKorinthe 2:9

Kodvwa njengobe kubhaliwe kutsi: “Loko liso lelingazange selikubone, nendlebe lengazange seyikuve, lokungazange kuphume enhlitiyweni yemuntfu, Nkulunkulu wakulungiselela labamtsandzako.”

2 kubaseKorinthe 1:7

Litsemba letfu kini lisimile, sati kutsi njengobe nihlanganyela natsi etinhluphekweni, kanjalo niyahlanganyela natsi nasendvudvutweni.

KubaseKholose 1:24

Namanje ngijabulela kuhlushwa kwami ngenca yenu, emtimbeni wami ngiphelelisela loko lokwasilela elusizini lwaJesu Khristu, ngenca yemtimba wakhe lolibandla.

KumaHebheru 11:16

Esikhundleni saloko, babelangatelela live lelincono, lokusho kutsi: lizulu. Ngako-ke Nkulunkulu akanamahloni kutibita ngekutsi nguNkulunkulu wabo, ngobe ubalungiselele lelo khaya.

Sembulo 1:9

Mine Johane, umzalwane wenu, nginesabelo kanye nani kuJesu ekuhlushweni, nasebukhosini, nasekuciniseleni. Ngangisesichingini, lesibitwa ngekutsi yiPhatmose, ngenca yekushumayela livi laNkulunkulu ngekufakaza ngaJesu.