Matewu 20:21 - Siswati 1996 Bible

²¹ Jesu wambuta watsi: “Ufunani?” Watsi yena: “Yetsembisa kutsi lamadvodzana ami lamabili ayawuhlala, lenye ngesekudla sakho, lenye ngesancele sakho embusweni wakho.”

Matewu 20:21 Cross References

1 Emakhosi 2:19

Watsi Bhatisheba nakaya enkhosini Solomoni kuyawukhulumela Adoniya, inkhosi yasukuma yamhlangabeta, yamkhotsamela, yase ihlala phansi esihlalweni sayo sebukhosi. Bekanesihlalo sebukhosi lesasiletselwe unina, lafike wahlala kuso, ngesekudla senkhosi.

1 Emakhosi 3:5

Simakadze watibonakalisa kuSolomoni ebusuku ngesimo seliphupho, ngesikhatsi aseGibeyoni. Nkulunkulu wakhuluma kuye, watsi: “Cela nome ngabe yini lofuna kutsi ngikuphe yona.”

Esta 5:3

Inkhosi yambuta yatsi: “Kwenteke njani, nkhosikati Esta? Ngitjele kutsi ufunani, utakutfola, nome ngabe kuyincenye yembuso wami.”

Tihlabelelo 110:1

Simakadze watsi enkhosini yami: “Hlala lapha ngesekudla sami, ngize ngifake titsa takho ngaphansi kwetinyawo takho.”

Tihlabelelo 45:9

Emadvodzakati emakhosi asemkhatsini wetintfombi takho telikhetselo; nangesandleni sakho sangesekudla kume indlovukazi levunule tembatfo tegolide yase-Ofiri.

Jeremiya 45:5

Pho, ungatifunela yini wena tintfo letinkhulu? Ungatifuni. Ngobe ngiyakwehlisela inhlekelele etikwabo bonkhe bantfu, kodvwa wena nome ngukuphi lapho uya khona, ngiyawukwenta uphunyule kanye nemphilo yakho, kusho Simakadze.’ ”

Matewu 18:1

Ngaleso sikhatsi bafundzi baJesu beta kuye, babuta batsi: “Pho, ngubani lomkhulu kakhulu embusweni welizulu?”

Matewu 19:28

Jesu watsi kubo: “Ngicinisile, ngitsi kini: Nine leningilandzelako, kuyawutsi nakudalwa kabusha tintfo tonkhe, ngesikhatsi iNdvodzana yeMuntfu seyihleti esihlalweni senkhatimulo yebukhosi bayo, nani niyawuhlala etihlalweni tebukhosi letili-12, nehlulele tive letili-12 taka-Israyeli.

Matewu 20:22

Jesu waphendvula watsi: “Anikwati lenikucelako. Ningayinatsa yini lendzebe yelusizi lesengitayinatsa?” Baphendvula batsi: “Singayinatsa.”

Matewu 20:32

Kepha Jesu wema watibita, watibuta watsi: “Nifuna nginenteleni?”

Makho 10:51

Jesu wayibuta watsi: “Ufuna ngikwenteleni?” Lemphumphutse yatsi: “Mfundzisi wami, mane ngibone nje.”

Makho 16:19

Emvakwaloko, iNkhosi Jesu seyikhulumile nabo yatsatfwa yenyuselwa ezulwini, yahlala ngesekudla saNkulunkulu.

Makho 6:22

Indvodzakati yaHerodiyasi yeta yabagidzela kahle kakhulu. Herodi wajabula kanye netivakashi takhe, wadzimate watsi kulentfombatana: “Cela kimi nome ngabe yini lokufunako, ngitakupha kona.”

Lukha 18:41

“Ufuna ngikwenteleni?” Yaphendvula yatsi: “Nkhosi, ngicela kubona.”

Lukha 19:11

Basalalele loko, Jesu wachubeka wabatjela lomunye umfanekiso, ngobe abesasondzele eJerusalema, nangobe bantfu base bacabanga kutsi umbuso waNkulunkulu wawutawuvela ngaleso sikhatsi.

Lukha 22:24

Kwase kuba nembango emkhatsini webafundzi ngekutsi ngubani lotaba mkhulu kunabo bonkhe.

Johane 15:7

Nanihlala kimi nemavi ami ahlala kini, niyawucela lenikutsandzako, nikuphiwe.

Imisebenti yebaPhostoli 1:6

Kwatsi nase bahlangene ndzawonye baphostoli naJesu, bambuta batsi: “Nkhosi, sengiso yini lesikhatsi lotawubuyisela ngaso umbuso kuma-Israyeli?”

KubaseRoma 12:10

Tsandzanani ngelutsandvo lwebuzalwane, nijakiselane ngekuhloniphana.

KubaseRoma 8:34

Pho, kukhona yini longahle abalahle ngelicala? Kute: Ngobe ukhona Khristu Jesu lowafa, kodvwa wavuswa waphila, sewungesekudla saNkulunkulu, nguye losincuselako.

KubaseKholose 3:1

Nangabe-ke navuswa kanye naKhristu, funani tintfo tasezulwini lapho Khristu ahleti ngesekudla saNkulunkulu.