Matewu 20:2 - Siswati 1996 Bible

² Watsi asavumelene naletisebenti kutsi utatiholela denariyo munye ngelilanga, wase ubatfumela esivinini sakhe,

Matewu 20:2 Cross References

1 Emakhosi 18:12

Angati kutsi Moya waSimakadze utakwetfwala akuyisephi, mine nangisuka lapha kuwe. Nangingahamba ngiyewutjela Ahabi, afike lapho angasakukhandzi, utangibulala. Noko mine, nceku yakho, Simakadze ngimkhonte kusukela ebusheni bami.

2 Tikhronike 34:3

Kwatsi ngemnyaka wesiphohlongo wekubusa kwakhe, asesemncane impela, wacala wafunisisa Nkulunkulu weyisemkhulu Davide. Kwatsi ngemnyaka weli-12 wacala kuhlambulula lakaJuda nelaseJerusalema, wesusa tonkhe tindzawo letiphakeme tekukhontela tithico, netinsika ta-Ashera, netithico letibatiwe, netitfombe letibunjiwe.

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Matewu 18:28

“Kepha satsi siphuma nje leso sisebenti, sahlangana nalesinye sisebenti lesasikanye naso, lesasisikweleda emaRandi lalishumi. Sasibamba sasekhama, satsi: ‘Khipha imali yami!’

Matewu 20:1

“Umbuso welizulu ufanana nemnikati wesivini, lowaphuma ekuseni ayawucasha emadvodza ekusebenta esivinini sakhe.

Matewu 20:13

“Waphendvula watsi kulomunye wabo: ‘Mnganami, phela angikoni; kantsi kakadze besingakavumelani ngadenariyo munye yini nawe?

Matewu 20:3

watsi uyaphuma futsi ngeli-awa lemfica, wabona lamanye emadvodza emile nje emakethe ayingilekile,

Matewu 20:9

Kutsite natifika leti teli-awa lesihlanu entsambama, watiholela denariyo munye sisinye.

Matewu 22:19

Ngikhombiseni imali lenitsela ngayo!” Base bamkhombisa denariyo.

Matewu 9:37

Ngako wase utsi kubafundzi bakhe: “Kuvuna kukhulu, kodvwa tisebenti timbalwa.

Makho 12:15

Kodvwa Jesu abati kahle bumbulu babo, watsi kubo: “Ningilingelani? Ase ningikhombise loluhlavu lwemali.”

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 10:35

Ngakusasa lomSamariya wakhipha imali lengemasiliva lamabili, wayinika umnikati walendlu yetihambi. Watsi kuye: ‘Ngongele nangu umuntfu wami, nase ngibuya ngitakukhokhela tonkhe tindleko takhe.’ ”

Lukha 20:24

“Ase ningikhombise luhlavu lwemali loluyisiliva. Lomfanekiso nelibito lokubhalwe kulo kwabani?” Bamphendvula batsi: “KwaKhesari.”

2 kuThimothi 3:15

nekutsi kusukela ebuntfwaneni bakho wayati imiBhalo lengcwele lenemandla ekuhlakaniphisa kube kusindziswa ngekukholwa nguKhristu Jesu.

Sembulo 6:6

Ngase ngiva livi shangatsi liphuma emkhatsini wetidalwa letine litsi: “Libinta lakolo wekudliwa ngelilanga lelingatsengwa ngeliholo lelilanga, nemabinta lamatsatfu emabele langatsengwa ngeliholo lelilanga; kepha ungawoni emafutsa neliwayini!”

1 Samuweli 2:18

Samuweli abekhonta ethempelini laSimakadze, angumfanyana, avunula sidziya sebaphristi selineni lecolisakele.

1 Samuweli 2:26

Umfana Samuweli wachubeka wakhula ngesicu semtimba nasekutsandvweni nguSimakadze nasekutsandzekeni kubantfu.

1 Samuweli 3:1

Umfana Samuweli abekhonta Simakadze ngaphansi kwa-Eli. Kulawo malanga livi laSimakadze lase lilivelakancane, nemibono yayingasekavami.

1 Samuweli 3:21

Simakadze waphindze watibonakalisa eShilo; ngobe lapho Simakadze watembula kuSamuweli ngelivi laSimakadze.