Matewu 2:7 - Siswati 1996 Bible

⁷ Ngako-ke Herodi wase ubita tati emhlanganweni wangasese, watibutisisa sikhatsi inkhanyeti leyayibonakale ngaso,

Matewu 2:7 Cross References

Tihlabelelo 55:21

Inkhulumo yakhe ishelelisa kwelibhotela, noko inhlitiyo yakhe ifukamele imphi, emavi akhe atsambe kwengca emafutsa, noko atinkemba letilindzele kugwaza.

Eksodusi 1:10

Ase siwabuke ngalamanye emehlo, sente lisu, funa andze kakhulu, ngobe nakungesuka imphi, angahle asite letitsa tetfu, bese ayabaleka kulelive.”

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Matewu 2:16

Kwatsi Herodi asabonile kutsi tati timyengile, watfukutsela wagcwala kokana, watfumela kutsi akubulawe bonkhe bantfwana labadvuna baseBhetlehema nakuto tonkhe tindzawo tangakhona lababeneminyaka lemibili nome ngephansi, kwaya ngesikhatsi labesibutisise etatini.

Matewu 2:8

wase utitfumela eBhetlehema utsi: “Hambani nimfunisise kahle lomntfwana; nasenimtfolile, nibobuya nitewungatisa, khona nami ngitekuya, ngiyewumkhotsamela.”

Imisebenti yebaPhostoli 24:22

Kodvwa Feliksi labesayatisisa kahle lendzaba yaleNdlela, kutsetfwa kwalelicala wakugucisa ngekutsi: “Lelicala ngiyawulijuba nasekufike Khenela Lisiyasi.”

Sembulo 12:15

Lenyoka yona yacitsa emanti ngemlomo wayo, kwaba sengatsi ngewemfula, alandzela lomfati, kuze atewumkhukhula lamanti.

1 Samuweli 18:21

Wacabanga watsi: “Ngitamendzisela yena, kuze abe lugibe lwami kuye Davide, kuze sandla semaFilisti simelane naye.” Ngako Sawula waphindza watsi kuDavide: “Manje sengikunika litfuba lesibili kutsi ube ngumkhwenyane wami.”