Matewu 2:5 - Siswati 1996 Bible

⁵ Bamtjela batsi: “EBhetlehema yaseJudiya, njengobe umphrofethi wabhala watsi:

Matewu 2:5 Cross References

Genesisi 35:19

Rakheli wafa wangcwatjwa eceleni kwemgwaco loya e-Efratha, lendzawo leseyatiwa ngekutsi yiBhetlehema.

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Matewu 2:4

Yatsi kube ibite bonkhe baphristi labakhulu netati temtsetfo tesive, yababuta kutsi Khristu utawutalelwa kuphi.

Johane 7:42

UmBhalo kawushongo yini kutsi: ‘Khristu uvela entalweni yaDavide, eBhetlehema lapho abehlala khona Davide’?”

Joshuwa 19:15

Wawufaka ekhatsi iKhathathi, neNahalali, neShimironi, neJidala, neBhetlehema. Kwaba ngemadolobha lali-12 akanye nemiti yawo.

Tikhulu 17:7

Lenye insizwa yemndeni wakaLevi leyayiphuma eBhetlehema kulakaJuda, beyikadze ihlala nelusendvo lwakaJuda,

Ruthe 1:1

Kadzeni, live lisabuswa tikhulu kwase kwaba nendlala lenkhulu eveni. Lenye indvodza yakaJuda, leyayihlala eBhetlehema, yahamba nemkayo nemadvodzana ayo lamabili yaya kuyawuhlalahlala eveni lakaMowabi.

Ruthe 1:19

Bahamba bobabili badzimate bafika eBhetlehema. Batsi kube befike eBhetlehema, bonkhe bantfu kulelo dolobha babajabulela. Labasikati babutana bodvwana batsi: “Utsi ngabe nguNawomi lo?”

Ruthe 2:4

Kwase kufika Bowazi aphuma eBhetlehema, wafike kubavuni watsi: “Simakadze akabe nani!” Bamphendvula batsi. “Simakadze akakubusise!”

Ruthe 4:11

Bonkhe bantfu nelemisumphe leyayisesangweni yatsi: “Vele, sibofakazi. Shangatsi lomakoti lotawungena ekhaya lakho, Simakadze angamenta afanane naboRakheli naLeya, labasungula sive sema-Israyeli bobabili ngekutalela Jakobe bantfwana labanyenti. “Shangatsi ungema kahle kulolusendvo lwaka-Efratha, watiwe eBhetlehema.

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”