Matewu 2:4 - Siswati 1996 Bible

⁴ Yatsi kube ibite bonkhe baphristi labakhulu netati temtsetfo tesive, yababuta kutsi Khristu utawutalelwa kuphi.

Matewu 2:4 Cross References

2 Tikhronike 34:13

wona abeluse laba labasebentako, engamele tonkhe tisebenti kusuka kulomsebenti kuye kulowa. Lamanye emaLevi abebomabhalane, nebabhali, nabomahlalesangweni.

2 Tikhronike 34:15

Hilkiya wakhuluma kuShafani, labengumabhalane, watsi: “Ngiyitfolile incwadzi yemtsetfo ekhatsi ethempelini laSimakadze.” Wase uyinika Shafani.

2 Tikhronike 36:14

Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

Ezra 10:5

Ezra wasukuma, wafungisa baphristi, nemaLevi, nawo onkhe ema-Israyeli kutsi ente loko lekwase kunconyiwe. Bafunga.

Ezra 7:6

Ezra wefika aphuma eBhabhulona. Ezra abeyingcweti kutemtsetfo waMosi, lowawumiswe nguSimakadze, Nkulunkulu wema-Israyeli. Inkhosi yayimnike konkhe labekucelile, ngobe sandla saSimakadze Nkulunkulu wakhe sasisetikwakhe.

Nehemiya 12:7

naSalu, na-Amoki, naHilkiya, naJedaya. Labo-ke bekubaholi bebaphristi nebeticheme tabo ngesikhatsi saJeshuwa.

Tihlabelelo 2:2

Emakhosi emhlaba asukume phansi ahloma, nebabusi bahlangene bemelana naSimakadze, bemelana neMgcotjwa wakhe batsi:

Jeremiya 8:8

“ ‘Ningasho kanjani kutsi: “Sihlakaniphile tsine, ngobe sinemtsetfo waSimakadze,” ibe kantsi lutsi lwemanga lwebabhali lukucobele phansi lokungemanga?

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Matewu 13:52

Wase utsi kubo: “Ngako-ke wonkhe umfundzisi wemtsetfo loba ngumfundzi embusweni welizulu, unjengemnikati wemuti lokhipha engcebeni yakhe lokusha nalokudzala.”

Matewu 2:3

Inkhosi Herodi isakuva loko, yakhatsateka kakhulu kanye neJerusalema yonkhe.

Matewu 2:5

Bamtjela batsi: “EBhetlehema yaseJudiya, njengobe umphrofethi wabhala watsi:

Matewu 21:15

Baphristi labakhulu netati temtsetfo tatfukutsela tacansuka natibona letimangaliso labetenta Jesu, nebantfwana bamemeta ethempelini batsi: “Hosana kuyo iNdvodzana yaDavide!”

Matewu 21:23

Jesu wabuyela ethempelini kuyawufundzisa, baphristi labakhulu netibondza temaJuda beta kuye bambuta batsi: “Loku ukwenta ngamaphi emandla? Kona ngubani lona lokunike lamandla?”

Matewu 26:3

Baphristi labakhulu netibondza temaJuda babutsana esigodlweni sakaKhayafase, umPhristi Lomkhulu,

Matewu 26:47

Watsi asakhuluma loko, kwefika Judasi labengulomunye walababeli-12, anesicuku lesikhulu sebantfu, sihlome ngetinkemba netindvuku, sitfunywe baphristi labakhulu kanye netibondza temaJuda.

Matewu 27:1

Ekuseni lokwa ngeluvivi baphristi labakhulu netibondza tesive benta lisu lekubulala Jesu.

Matewu 7:29

ngobe abebafundzisa njengemuntfu lonemandla, hhayi njengetati tabo temtsetfo.

Makho 8:31

Jesu watjela bafundzi bakhe kutsi iNdvodzana yemuntfu ifanele kuhlushwa ngalokunyenti, ilahlwe natibondza telibandla, nebaphatsi bebaphristi, netati temtsetfo, ibulawe, ivuke emvakwemalanga lamatsatfu.

Lukha 20:19

Tati temtsetfo nebaphristi labakhulu betama kumbopha Jesu khona lapho, ngobe bebati kutsi lomfanekiso wawucondze kulahla bona; kodvwa besaba bantfu.

Lukha 23:10

Baphristi labakhulu netati temtsetfo tasondzela ngembili titfukutsele, tacindzetela Jesu ngemacala lamanyenti.

Johane 18:3

Ngako-ke Judasi wavele wacondza khona kuleyo ndzawo, ahamba nesicuku lesikhulu semasotja, nalabanye bogadzi belithempeli lababetfunywe baphristi labakhulu bakanye nebaFarisi. Babehlome tikhali, baphetse emalambu netidlwane.

Johane 3:10

Jesu waphendvula watsi: “Wena, ungumfundzisi waka-Israyeli. Pho, awukucondzi ngani loku?

Johane 7:32

BaFarisi beva sicuku sivungatela ngaye ngaletintfo. Ngako baphristi labakhulu nebaFarisi base batfumela tinceku kutsi timbambe.

Johane 8:3

Kepha tati temtsetfo nebaFarisi baletsa kuye umfati labebambambe aphinga, beta bamfake ekhatsi.

Imisebenti yebaPhostoli 23:9

Lomsindvo wekuphikisana waya ngekwandza, letinye tati temtsetfo telicembu lebaFarisi tasukuma tabeka inkhulumo lecosheme tatsi: “Asiliboni licala kulomuntfu. Kutawutsiwani-ke, nangabe umoya nome ingilosi yakhuluma ngempela kuye?”

Imisebenti yebaPhostoli 4:5

Ngakusasa baholi bemaJuda, netibondza tenkholo yemaJuda, netati temtsetfo bahlangana eJerusalema.

Imisebenti yebaPhostoli 6:12

Ngalelicebo labo benta kutsi bonkhe bantfu, netibondza, netati temtsetfo timvukele kamatima. Bamdvumela Stefano, bambamba, bammikisa embikweLiqoqo letiphatsimandla.