Matewu 19:9 - Siswati 1996 Bible

⁹ Kodvwa ngitsi kini: Wonkhe umuntfu lodivosa umkakhe ngaphandle kwanakaphingile, bese ushada lomunye umfati, uyaphinga; naloshada umfati lodivosiwe uyaphinga.”

Matewu 19:9 Cross References

Genesisi 20:3

Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

2 Tikhronike 21:11

Abesakhe netindzawo letiphakeme etintsabeni takaJuda, wabangela bantfu baseJerusalema kutsi baphinge ngekukhonta tithico, wedukisa sive sakaJuda.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Hezekeli 16:15

“ ‘Kodvwa wena wesuke wase wetsembela kulobuhle bakho, lelidvumela lakho lakwenta waba yingwababane. Watfululela konkhe kukhanuka kwakho kunome ngubani labendlula ngendlela, buhle bakho baba bake.

Hezekeli 16:29

Wase uyabandzisa bugwadla bakho, kuze kubeseveni lebahwebi, ngisho eveni lemaBhabhulona, kodvwa awuzange weneliswe ngisho nangulobo.

Hezekeli 16:8

“ ‘Kamuva ngatsi ngengca ngakuwe, ngatsi ngiyabuka ngakuwe, ngabona kutsi sewukhulile, sewungagana, ngakumbonya ngesembatfo sami ngakwembesa ngaso, ngivala bungcunu bakho. Ngakunika sifungo sami lesicinile, ngangena esivumelwaneni nawe, wena wase uba wami, kusho iNkhosi Simakadze.

Matewu 19:10

Bafundzi bakhe batsi kuye: “Nangabe injalo kantsi indzaba yendvodza nemfati, kuncono kungashadi.”

Matewu 19:8

Jesu watsi kubo: “Mosi waninika imvume yekudivosa nebafati benu ngenca yebulukhuni betinhlitiyo tenu. Kodvwa kwakungenjalo kusukela ekucaleni.

Matewu 5:32

Kepha mine ngitsi: Lowo lolahla umkakhe ngaphandle kwebugwadla, uyamphingisa; nalotsatsa umfati lolahliwe, uyaphinga.”

Lukha 16:18

“Nangabe indvodza idivosa umkayo bese iteka lomunye umfati, iyaphinga; nendvodza letsatsa umfati lodivosiwe, iyaphinga.”

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

1 kubaseKorinthe 7:39

Ngekwemtsetfo umfati uboshelwe endvodzeni nayisaphila; kepha nangabe indvodza seyifile, sewukhululekile, angendza nome ngukubani, kuye ngekubona kwakhe, kuphela nje kutsi kube ngusentsandvweni yeNkhosi.

1 kubaseKorinthe 7:4

Umfati ute emandla etikwemtimba wakhe, kepha yindvodza yakhe lenawo; nendvodza ite emandla etikwemtimba wayo, kepha ngumfati wayo lonawo.