Matewu 19:5 - Siswati 1996 Bible

⁵ Watsi: ‘Ngenca yaloko-ke indvodza iyawushiya uyise nenina inamatsele kumkayo, labo-ke bobabili sebayawuba nyamanye.’

Matewu 19:5 Cross References

Genesisi 34:3

Inhlitiyo yakhe yanamatsela kuDina, wayitsandza lentfombatana, ngako wayisoma.

2 Samuweli 1:26

“Ngiyakukhalela, mnaketfu Jonathani, bewuligugu kimi! Lutsandvo lwakho kimi belumangalisa, lumangalisa kwendlula lwalabasikati.

1 Emakhosi 11:2

Abesuka kuletive Simakadze labekhulume ngato kuma-Israyeli watsi: “Ningacali nendziselane nato, ngobe nome kanjani tiyawuguculela tinhlitiyo tenu kubonkulunkulu bato.” Noko-ke Solomoni yena wanamatsela kuwo ngelutsandvo.

Tihlabelelo 45:10

Kuwe-ke, ndvodzakati yami, ngitsi: “Vula indlebe yakho, ulalele naku lengikushoko: Sikhohlwe sive sakini nebakenu.

Tihlabelelo 63:8

Umphefumulo wami unamatsela kuwe, sandla sakho sekudla siyangisimisa.

Malakhi 2:15

Simakadze akabenti baba munye yini? Enyameni nasemoyeni bakhe. Bamunye leni? Ngobe abefuna bantfwana labesaba Nkulunkulu. Ngako tilindze wena emoyeni wakho, wetsembeke kumfati webusha bakho.

Matewu 19:6

Ngako-ke abasebabili, kodvwa sebamunye. Ngako-ke loko lakuhlanganisile Nkulunkulu, akungabe kusehlukaniswa ngumuntfu.”

KubaseRoma 12:9

Lutsandvo kufanele lubete kutentisa. Tondzani lokubi, nibambisise lokuhle.

1 kubaseKorinthe 6:16

Anati yini kutsi lotihlanganisa nengwadla uba mtimba munye nayo? Ngobe kubhaliwe kutsi: “Labo bobabili sebayawuba nyamanye.”

1 kubaseKorinthe 7:2

Kodvwa-ke ngenca yebuphingi, akube nguleyo naleyo ndvodza ibe newayo umfati, nalowo mfati abe neyakhe indvodza.

1 kubaseKorinthe 7:4

Umfati ute emandla etikwemtimba wakhe, kepha yindvodza yakhe lenawo; nendvodza ite emandla etikwemtimba wayo, kepha ngumfati wayo lonawo.

Kubase-Efesu 5:31

UmBhalo utsi: “Ngenca yaloko indvodza iyawushiya uyise nenina inamatsele kumkayo; labo bobabili bayawuba nyamanye.”

Dutheronomi 10:20

Yesabani Simakadze Nkulunkulu wenu, nimkhonte. Bambelelani kuye nitsatse tifungo tenu egameni lakhe.

Dutheronomi 11:22

“Nangabe ninakekela kahle yonkhe lemiyalo lengininika yona, ngekutsi nitsandze Simakadze Nkulunkulu wenu, nihambe etindleleni takhe tonkhe, nibambelele kuye,

Dutheronomi 4:4

kodvwa nonkhe nine lenabambelela kuSimakadze Nkulunkulu wenu nisaphila nalamuhla.

1 Samuweli 18:1

Emvakwekuba Davide akhulume naSawula, Jonathani waba ngumoya munye naDavide, ngobe wamtsandza njengobe atitsandza yena.

1 Samuweli 25:43

Davide abeshade na-Ahinowami waseJezreyeli, bobabili baba bafati bakhe.