Matewu 18:20 - Siswati 1996 Bible

²⁰ “Ngobe lapho kuhlangene khona lababili nome labatsatfu egameni lami, nami ngikhona emkhatsini wabo.”

Matewu 18:20 Cross References

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Eksodusi 20:24

Ngenteleni lilati ngemhlaba, etikwalo ninikele umnikelo wekushiswa nemnikelo wekuthula, ngetimvu nangetinkhomo. Yonkhe indzawo lapho ngiyawukwenta kutsi libito lami lidvunyiswe khona, ngiyawuta kini nginibusise.

Hezekeli 46:10

Umbusi naye kufanele angene, nakungena labanye bantfu, aphume nase baphuma nabo.

Zakhariya 2:5

Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”

Matewu 18:21

Kwase kusondzela Phetro lowatsi kuye: “Nkhosi, umzalwane uyawungona kangaki solomane ngimtsetselela? Kuze kube kasikhombisa yini?”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

Johane 20:19

Kwatsi kusihlwa kwangalelo Sontfo bafundzi bakhe batikhiyele endlini ngekwesaba emaJuda, Jesu wefika kubo, bambona aseme emkhatsini wabo watsi: “Kuthula akube kini!”

Johane 20:26

Kwatsi sekwendlule liviki bafundzi bakhe bandzawonye futsi kuyona leyondlu, naTomase akhona, iminyango ikhiyiwe, Jesu wefika wema emkhatsini wabo, watsi: “Kuthula akube kini!”

Johane 8:58

Jesu watsi kubo: “Ngicinisile, ngicinisile, ngitsi kini: Asengakabikho Abrahama, solo ngikhona mine.”

1 kubaseKorinthe 5:4

ngimlahle egameni leNkhosi yetfu Jesu. Nanihlangana nine, nami nginani ngemoya, nangemandla eNkhosi yetfu Jesu,

1 kubaseThesalonika 1:1

Lencwadzi iphuma kuboPawula, naSilasi, naThimothi; iya kubaseThesalonika labalibandla laNkulunkulu, longuBabe, neleNkhosi Jesu Khristu. Umusa nekuthula akube kini.

kuFilemoni 1:2

naku-Aphiya, dzadzewetfu, naku-Akhiphusi, lolisotja laJesu kanye natsi, nakulo lonkhe libandla lelihlanganela endlini yaFilemoni.

Sembulo 2:1

“Bhalela ingilosi yelibandla lase-Efesu utsi: “ ‘Nali livi leliphuma kuye lophetse tinkhanyeti letisikhombisa esandleni sakhe sangesekudla, lohamba emkhatsini wetibane letisikhombisa tegolide, utsi:

Sembulo 21:3

Ngeva livi liphuma esihlalweni sebukhosi limemeta kakhulu litsi: “Nalo likhaya laNkulunkulu likubantfu. Nkulunkulu utawuhlala emkhatsini wabo, bona babe bantfu bakhe. Nkulunkulu cobo lwakhe uyawuhlala nabo, abe nguNkulunkulu wabo.