Matewu 17:2 - Siswati 1996 Bible

² Jesu wagucuka lesinye simo embikwabo, buso bakhe bakhatimula njengelilanga, tingubo takhe taba mhlophe njengekukhanya.

Matewu 17:2 Cross References

Tihlabelelo 104:2

Kukhanya kuyingubo lotembese ngayo, weneke emazulu njengekumiswa kwelithende;

Ingoma Yetingoma 6:10

Ngubani lona lochamuka njengekusa lomuhle njengenyeti, akhanye njengelilanga, atsatse emehlo njengetinkhanyeti ekushulunganeni kwato?

Matewu 17:1

Emvakwemalanga lasitfupha, Jesu watsatsa boPhetro, naJakobe, naJohane, umnakabo, wenyukela nabo entsabeni lendze, baba bodvwa.

Matewu 17:3

BoMosi na-Elija babonakala kubo, bakhuluma naye.

Matewu 28:3

Lengilosi yayinjengembane, timphahla tayo tatimhlophe njengesitfwatfwa.

Makho 9:3

Tingubo takhe tacwebetela taba mhlophe nke, kwakungekho muntfu emhlabeni jikelele labengatenta tibe mhlophe njengato.

Lukha 9:29

Asathandaza buso bakhe bagucuka, netimphahla takhe taba mhlophe tamengetela.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 17:24

“Babe, ngifisa kutsi labo longiphe bona nabo babe khona lapho nami ngikhona, kuze batewubona inkhatimulo yami lowangipha yona, ngobe wangitsandza, umhlaba ungakasekelwa.

KubaseRoma 12:2

Ningalilingisi lelive, kodvwa niguculwe ngekwentiwa kabusha kwengcondvo yenu, khona nitekwati kuhlolisisa loko lokuyintsandvo yaNkulunkulu, nikwati lokuhle, nalokwemukelekako, nalokuphelele.

Sembulo 10:1

Ngase ngibona lenye ingilosi lenemandla lamakhulu yehla ezulwini yehlela phansi, yembetse lifu, inemushi wenkosazana etikwenhloko yayo, buso bayo bunjengelilanga, imilente yayo injengetinsika temlilo.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.