Matewu 17:17 - Siswati 1996 Bible

¹⁷ Jesu waphendvula watsi: “Yehheni, situkulwane lesingakholwa nalesiphambene, kuyawudzimate kube ngunini nginani? Kuyawudzimate kube ngunini nginibeketelela? Yiletseni la kimi!”

Matewu 17:17 Cross References

Tihlabelelo 95:10

Iminyaka lengemashumi lamane nganengwa nguleso sive, ngadzimate ngatsi: ‘Basive, lesinhlitiyo yaso yedukile, abaticaphelanga tindlela tami.’

Eksodusi 10:3

Ngako-ke boMosi na-Aroni bahamba baya kuFaro, bafike kuye batsi: “Simakadze, longuNkulunkulu wemaHebheru, utsi: ‘Kutawuze kube ngunini seloku wala kutitfoba kimi? Khulula bantfu bami bahambe, khona batewungikhonta.

Eksodusi 16:28

Simakadze wakhuluma kuMosi watsi: “Kuyawuze kube ngunini nala kugcina imiyalo nemitsetfo yami?

Taga 1:22

“Nine leningati lutfo! Niyawuhlala ningati lutfo kuze kube ngunini? Baphukuti bayawuphukuta kuze kube ngunini? Tona tilima titawutondzana nelwati kuze kube ngunini?

Taga 6:9

Wena vila-ndzini, uyawulala embhedzeni kudzimate kube ngunini?

Isaya 19:14

Simakadze sewutfululele kubo umoya wekudzidzeka; benta iGibhithe iyendze kuko konkhe leyikwentako, iyendze njengesidzakwa emahlanteni aso.

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Numeri 14:11

Simakadze wakhuluma kuMosi, watsi: “Labantfu batawuchubeka nekungedzelela kuze kube ngunini? Batakwala kukholwa ngimi kuze kube ngunini, etikwaletibonakaliso temimangaliso lengitente kubo?

Numeri 14:27

“Kutawuze kube ngunini lesive lesikhohlakele singisola? Sengikuvile kusola kwalama-Israyeli lakhononako.

Matewu 13:58

Akazange ayente imisebenti yemandla leminyenti lapho ngenca yekungakholwa kwabo.

Matewu 16:8

Kepha Jesu akwati loko watsi kubo: “Nine bantfu bekukholwa lokuncane, nentiwa yini kutsi nikhulumisane nodvwana ngekutsi kwentiwa ngobe nite tinkhwa?

Matewu 17:16

Ngiyiletse kubafundzi bakho, kodvwa behluleka kuyiphilisa.”

Matewu 17:18

Jesu walekhuta lelidimoni, lomfana waphila ngaleso sikhatsi.

Matewu 6:30

Kodvwa nangabe Nkulunkulu abembatsisa kangaka tjani besiganga, lobuphilako lamuhla, kusasa bushe, akayiwunembatsisa kakhulu yini nine leninekukholwa lokuncane?

Matewu 8:26

Jesu wabaphendvula watsi: “Nesabani, nine bekukholwa lokuncane?” Wasukuma wasekhuta lesivunguvungu kanye nelwandle, kwase kuba khona kuthula lokukhulu.

Makho 16:14

Emvakwaloko Jesu watibonakalisa kubafundzi bakhe labebali-11, wabakhandza basadla. Wabasola ngekungakholwa kwabo nangebulukhuni betinhlitiyo tabo. Phela bebangabakholwa labo lababetsi bambonile kutsi sewuvukile.

Makho 9:19

Wabaphendvula watsi: “Awu, situkulwane lesingakholwa, kuyawudzimate kube ngunini nginani? Kuyawudzimate kube ngunini nginibeketelela? Mletseni la kimi!”

Lukha 24:25

Jesu wase utsi kubo: “Maye, nilibele, nekukholwa kwenu kubutsakatsaka ekwemukeleni loko lokwashiwo baphrofethi!

Lukha 9:41

Jesu waphendvula watsi: “Yehheni, nine situkulwane lesonakele nalesingakholwa, ngiyawuhlala nani kuze kube ngunini nginibeketelela? Mletse lapha lomsa wakho.”

Johane 20:27

Jesu watsi kuTomase: “Faka umuno wakho la, ubone tandla tami; welule nesandla sakho, usifake emhlubulweni wami. Khawula kungakholwa, kodvwa bani ngulokholwako!”

Imisebenti yebaPhostoli 13:18

Wababeketelela ehlane iminyaka lengema-40.

Imisebenti yebaPhostoli 2:40

Phetro wafakaza kubo abancenga ngemavi lamanyenti, atsi: “Tisindziseni kulesitukulwane lesiphambene!”

2 kubaseKorinthe 11:1

Ngicela senimane ningibeketelele ngalobulinyana lengitabukhuluma. Vele, ngiyati seningibeketelele!

Dutheronomi 32:5

Bonile kuye, batindlisamahloni. Ngako-ke abasesibo bantfwana bakhe, kodvwa situkulwane lesesigwegwile, nalesintsamo yaso ishwilekile.