Matewu 16:23 - Siswati 1996 Bible

²³ Jesu wagucuka watsi kuPhetro: “Suka kimi, Sathane! Usitsikameti kimi, ngobe awukuboni lokukwaNkulunkulu, kodvwa ubona kwebantfu!”

Matewu 16:23 Cross References

Genesisi 3:17

Ku-Adamu watsi: “Njengobe ulalele livi lemfati wakho, wasidla lesitselo salesihlahla lengakuyala ngaso ngatsi: ‘Ungasidli,’ umhlaba sewucalekisiwe ngenca yakho. Sewuyakudla kuwo kamatima onkhe emalanga ekuphila kwakho.

2 Samuweli 19:22

Davide waphendvula watsi: “Ngihlangana ngani mine nani, nine madvodzana aSeruya? Kantsi lamuhla senigucuke naba titsa tami? Kufanele yini lamuhla kutsi kube khona lobulawako ka-Israyeli? Angati yini kutsi lamuhla ngimi inkhosi yaka-Israyeli?”

1 Tikhronike 21:1

Sathane wavukela sive sema-Israyeli, wabhebhetela Davide kutsi ente lubalo lwawo onkhe ema-Israyeli.

Isaya 8:14

Nguye loyawuba siphephelo senu; kodvwa kuto totimbili tindlu tema-Israyeli uyawuba litje leliyawukhuba bantfu nelidvwala leliyawubenta bawe. Kubantfu baseJerusalema uyawuba lugibe nasochaka.

Matewu 16:22

Phetro wase umdvonsela eceleni wamekhuta watsi: “Nkhosi, Nkulunkulu akakusite, loku kungete kwenteka kuwe!”

Matewu 18:7

Maye kulomhlaba ngekutsi kukhona tikhubekiso, ngobe tikhubekiso kufanele kutsi tibe khona, kodvwa maye kulowo muntfu letita ngaye!

Matewu 4:10

Jesu watsi kuye: “Suka, Sathane, ngobe kubhaliwe kutsi: “ ‘Ubokhonta iNkhosi, Nkulunkulu wakho, umkhotsamele yena yedvwa!’ ”

Makho 8:33

Kodvwa Jesu waphendvuka wabuka bafundzi, wakhahla Phetro, watsi: “Suka kimi, Sathane! Awukunakekeli lokukwaNkulunkulu, kodvwa unakekela kwebantfu!”

Lukha 4:8

Jesu wamphendvula watsi: “UmBhalo utsi: ‘Khotsama iNkhosi Nkulunkulu wakho, umkhonte yena yedvwa!’ ”

Johane 6:70

Jesu wabaphendvula watsi: “Anginikhetsanga naba li-12 yini nine? Noko lomunye wenu ungusathane.”

KubaseRoma 14:13

Ngako-ke akubete lowehlulela lomunye. Esikhundleni saloko asitimisele kutsi kubete lobekela lomunye umzalwane sikhubekiso, nome umgoco longahle umwise.

KubaseRoma 14:21

Lokuncono kungayidli inyama, nekunganatsi lokudzakisanako, nekungenti nome yini lokungahle kwente umzalwane wakho awe.

KubaseFiliphi 3:19

Kuphela kwabo kubhujiswa, nkulunkulu wabo sisu, ludvumo lwabo lusehlazweni labo, bangulabanaka tintfo temhlaba.

KubaseKholose 3:2

Nakekelani tintfo tasezulwini, ninganaki tintfo talapha emhlabeni.