Matewu 16:20 - Siswati 1996 Bible

²⁰ Ngako wabayalisisa bafundzi bakhe kutsi bangatjeli muntfu kutsi unguKhristu.

Matewu 16:20 Cross References

Matewu 1:16

Jakobe watala Josefa, indvodza yaMariya, unaboJesu lobitwa ngekutsi nguKhristu.

Matewu 16:16

Simoni Phetro waphendvula watsi: “UnguKhristu, iNdvodzana yaNkulunkulu lophilako.”

Matewu 17:9

Basehla kulentsaba Jesu wabadvonsa ngendlebe, watsi: “Ningatjeli muntfu ngalombono leniwubonile, kuze kuvuswe iNdvodzana yeMuntfu kulabafile.”

Matewu 8:4

Jesu wase utsi kuye: “Lalela la! Ungatjeli muntfu, kodvwa hamba uye kumphristi akubone, bese wenta umnikelo wekubonga lowamiswa nguMosi, ukhombise nebantfu kutsi sewuhlantekile.”

Makho 8:30

Jesu wabayala abafica kutsi bangatjeli muntfu ngaye.

Makho 9:9

Basehla entsabeni Jesu wabayala kutsi bangacali batjele muntfu ngaloku labakubonile, iNdvodzana yeMuntfu ingakavuswa kulabafile.

Lukha 2:11

ngobe lamuhla nitalelwe emtini waDavide uMsindzisi longuKhristu iNkhosi.

Lukha 9:21

Jesu wabadvonsa ngendlebe watsi loko bangakutjeli muntfu,

Lukha 9:36

Latsi libindza lelivi, kwabesekusele Jesu yedvwana. Bafundzi bakufihla loko, abazange batjele muntfu ngalababekubonile ngalawo malanga.

Johane 1:41

Yena watfola kucala umnakabo, Simoni, watsi kuye: “Sesimtfolile Mesiya.” (Lelibito lisho kutsi: “Khristu.”)

Johane 1:45

Filiphu watfola Nathanayeli, watsi kuye: “Simtfolile lowo labhala ngaye emtsetfweni Mosi kanye nebaphrofethi, Jesu waseNazaretha, umsa waJosefa.”

Johane 11:27

Waphendvula watsi: “Yebo, Nkhosi, ngiyakholwa kutsi wena unguKhristu, iNdvodzana yaNkulunkulu, labetakuta emhlabeni.”

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

Imisebenti yebaPhostoli 2:36

“Bonkhe bantfu baka-Israyeli, kufanele bati kahle kutsi nguye yena loJesu, lenambetsela esiphambanweni, Nkulunkulu lasamente iNkhosi naKhristu!”

1 yaJohane 2:22

Pho, ngubani localemanga nakungesiye lophika Jesu kutsi nguKhristu? Lowo ngumphikakhristu: lophika uYise neNdvodzana.

1 yaJohane 5:1

Wonkhe umuntfu lokholwa kutsi Jesu unguKhristu, ungumntfwana waNkulunkulu; umuntfu lotsandza umtali, utsandza nemntfwanakhe futsi.