Matewu 16:13 - Siswati 1996 Bible

¹³ Jesu wesuka lapho, waya eveni lelisedvute nelidolobha laseKhesariya Filiphi, lapho afike wabuta bafundzi bakhe watsi: “Bantfu batsi iNdvodzana yeMuntfu ingubani?”

Matewu 16:13 Cross References

Danyela 7:13

“Embonweni wami wasebusuku, ngabona embikwami kwakume umuntfu labenjengendvodzana yemuntfu, abehla ngemafu asezulwini. Wasondzela kuloLophila Phakadze Naphakadze, waholeleka ebukhoneni bakhe.

Matewu 12:32

Wonkhe lokhuluma kabi ngeNdvodzana yeMuntfu uyawutsetselelwa; kodvwa lokhuluma kabi ngaMoya Longcwele, angeke atsetselelwe, kuleli nakulelitako.”

Matewu 12:40

Njengobe naJona ahlala emalanga lamatsatfu nebusuku lobutsatfu esiswini semkhoma, kanjalo futsi neNdvodzana yeMuntfu iyawuhlala emalanga lamatsatfu nebusuku lobutsatfu ematfunjini emhlaba.

Matewu 12:8

Ngobe iNdvodzana yeMuntfu iyiNkhosi yeliSabatha.”

Matewu 13:37

Yena wabaphendvula watsi: “Lona lowahlanyela inhlanyelo lenhle yiNdvodzana yeMuntfu.

Matewu 13:41

INdvodzana yeMuntfu iyawutfumela tingilosi tayo tiyewubutsa tikhiphe konkhe lokubanga kona nabo bonkhe benti balokubi embusweni wayo,

Matewu 15:21

Jesu wesuka lapho, waya etindzaweni tangaseThire naseSidoni.

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 16:28

Ngicinisile, ngitsi kini: Kukhona labanye la emkhatsini wenu labangeyikuva kufa, badzimate bayibone iNdvodzana yeMuntfu ita embusweni wayo.”

Matewu 25:31

“INdvodzana yeMuntfu nayita ngenkhatimulo yayo netingilosi tayo tonkhe, iyawuhlala esihlalweni sayo sebukhosi,

Matewu 8:20

Jesu wamphendvula watsi: “Timphungutja tinemigodzi, netinyoni tinetidleke, kodvwa iNdvodzana yeMuntfu ite indzawo yekulala iphumule.”

Matewu 9:6

Ngitanikhombisa-ke kutsi iNdvodzana yeMuntfu inemandla ekutsetselela tono emhlabeni.” Wase utsi kulobekafe luhlangotsi: “Sukuma, tsatsa luhlaka lwakho, uhambe ubuyele ekhaya!”

Makho 10:45

Ngobe neNdvodzana yeMuntfu ayitelanga kutawukhontwa, kodvwa yetela kutawukhonta, nekunikela ngekuphila kwayo kutsi ibe yinhlawulo yalabanyenti.”

Makho 8:38

Lowo lonemahloni ngami, nangemavi ami, kulesitukulwane lesonakele nalesiphingako, neNdvodzana yeMuntfu iyawuba nemahloni ngaye, nayifika ebukhosini beYise kanye netingilosi letingcwele.”

Johane 1:51

Wase utsi kuye: “Ngicinisile, ngicinisile, ngitsi kini: Nitawubona lizulu livulekile netingilosi taNkulunkulu tehla tenyuka etikweNdvodzana yeMuntfu.”

Johane 12:34

Lesicumbi samphendvula satsi: “Sivile emtsetfweni kutsi Khristu uyawuphila kuze kube phakadze. Kepha wena usho kanjani kutsi iNdvodzana yeMuntfu itawuphakanyiswa? Ngubani yona leNdvodzana yeMuntfu?”

Johane 3:14

“Njengobe naMosi aphakamisa inyoka ehlane, kanjalo-ke neNdvodzana yeMuntfu ifanele kuphakanyiswa,

Johane 5:27

Uyiphile emandla ekwehlulela, ngobe iyiNdvodzana yemuntfu.

Imisebenti yebaPhostoli 10:38

Niyati futsi ngaJesu waseNazaretha, kutsi Nkulunkulu wamgcoba kanjani ngaMoya Longcwele nangemandla nekutsi waya kuyo yonkhe indzawo enta lokuhle aphilisa bonkhe lababecindzetelwe ngemandla aSathane, ngobe Nkulunkulu abenaye.

Imisebenti yebaPhostoli 7:56

Watsi: “Ase nibuke! Ngibona lizulu livulekile neNdvodzana yeMuntfu ime ngesandleni sekudla saNkulunkulu.”