Matewu 15:9 - Siswati 1996 Bible

⁹ ‘Bangikhonta ngelite, ngobe bafundzisa imitsetfo leshaywe bantfu bente shangatsi iphuma kimi.’ ”

Matewu 15:9 Cross References

Tihlabelelo 39:6

Impela, kuphila kwemuntfu kunjengesitfunti. Utihlupha ngelite nje. Ucongelela ingcebo, akabati labatawuyidla.

Tihlabelelo 73:13

Impela ngiyihlantele lite inhlitiyo yami, ngageza tandla tami njengalote licala.

Eksodusi 20:7

“Ungaliphatsi ngelite libito laSimakadze Nkulunkulu wakho; ngobe Simakadze uyawumbeka licala lowo lophatsa libito lakhe ngelite.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Levithikusi 26:16

ngiyawunijezisa nganaku: Ngiyawunehlisela kutfutfumela lokwesabekako, netifo letingelapheki, nemikhuhlane lephumphutsekisa emehlo, nginente nihusheke. Niyawulima nihlanyelele lite, ngobe titsa tenu tiyawunehlula tidle konkhe loko kudla.

Levithikusi 26:20

Konkhe kusebenta kwenu kamatima kungeke kunibuyisele lutfo, ngobe emasimi enu angeke abe nesivuno, netihlahla tingeke titsele titselo.

Malakhi 3:14

“Nine nitsite: ‘Akunamsebenti kukhonta Nkulunkulu. Yini nje lesiyizuzile ngekwenta lakufunako nangekuhamba njengebantfu labalilako embikwaSimakadze longuSomandla?

Matewu 15:10

Jesu wase uyababita bantfu watsi: “Lalelani, nive kahle!

Makho 7:7

Bangikhonta ngelite, ngobe bafundzisa imitsetfo leshaywe bantfu, bente shangatsi iphuma kimi!’ ”

1 kubaseKorinthe 15:2

Nisindziswa ngalo, nangabe nisabambelele evini lenganishumayela lona; nakungenjalo kukholwa kwenu kwaba lite.

Dutheronomi 12:32

“Caphelani kutsi niyakwenta konkhe loko lenginiyala ngako; ningengeti, ninganciphisi.”

1 kuThimothi 1:4

Ubayale nekutsi bangatinaki tinganekwane nemilandvo lengapheli yetitukulwane. Konkhe loku kubanga kuphikisana lokungasiti lutfo esikhundleni sekutsi kuphumelelise kusebentela Nkulunkulu ngekukholwa.

kuThithusi 1:14

bangatinaki tinganekwane temaJuda nome imiyalo yebantfu labafulatsela liciniso.

KumaHebheru 13:9

Ningedukiswa timfundziso letingatiwa letitinhlobonhlobo. Kuhle kutsi tinhlitiyo tetfu ticiniswe ngemusa, hhayi ngekugcina imitsetfo yekudla, ngobe labo labayigcinako ayibasiti ngalutfo.

YaJakobe 2:20

Wena silima-ndzini, uyafuna yini kukhonjiswa kutsi kukholwa lokungenamisebenti kulite?

Sembulo 22:18

Mine, Johane, ngecwayisa wonkhe umuntfu lowevako emavi alesiphrofetho lesikulencwadzi ngitsi: Nakukhona lowengeta lutfo kuwo, Nkulunkulu uyakwengeta nakuye letinhlupho letichazwe kulencwadzi.

1 Samuweli 25:21

Davide abesacedza kutsi: “Akukasiti ngalutfo kugadzela lomuntfu timvu takhe lena ehlane kangangekutsi kwabate ngisho nakunye lokwalahleka. Ungibuyisele lokubi ngalokuhle.