Matewu 15:28 - Siswati 1996 Bible

²⁸ Ngako Jesu wamphendvula watsi: “Awu, make, kukholwa kwakho kukhulu! Akwenteke kuwe njengekufisa kwakho!” Indvodzakati yakhe yasindza ngaleso sikhatsi.

Matewu 15:28 Cross References

Jobe 13:15

Nome angangibulala, noko ngitakwetsembela kuye. Nakanjani ngitatikhulumela embikwakhe ngetindlela tami.

Jobe 23:10

Kodvwa yena uyayati indlela lengiyitsatsako; utawutsi angangivivinya, ngiphume sengiyigolide.

Tihlabelelo 145:19

Wesutsisa kufisa kwabo bonkhe labamesabako, uyabeva nabakhalako, abasindzise.

Sililo 3:32

Nome akuletsa kudzabuka, kodvwa uyawubuye ahawukele, lukhulu kangako-ke lutsandvo lwakhe.

Matewu 14:31

Masinyane Jesu welula sandla sakhe, wambamba watsi: “Maye, kukholwa kwakho kuncane-bo! Ungatsitelani?”

Matewu 15:27

Umfati waphendvula watsi: “Yebo, Nkhosi, ucinisile, kodvwa netinja tiyawatfola emavutfuluka lasele kubanikati bato.”

Matewu 8:10

Jesu nakuva loko, wamangala, watsi kulaba babemlandzela: “Ngicinisile, ngitsi kini: Ngisho naka-Israyeli angizange sengikutfole kukholwa lokunje.

Matewu 8:13

Jesu wase utsi endvuneni: “Hamba, akwenteke kuwe njengekukholwa kwakho!” Lesisebenti sasindza ngaso leso sikhatsi.

Matewu 9:22

Jesu wagucuka wambuka watsi: “Mani sibindzi, ndvodzakati, kukholwa kwakho kukuphilisile.” Kusukela kuleso sikhatsi lomfati waphila.

Makho 5:34

Jesu watsi kuye: “Ndvodzakati yami, kukholwa kwakho kukuphilisile. Hamba ngekuthula, uphile esifeni sakho.”

Lukha 17:5

Baphostoli base batsi eNkhosini: “Yandzisa kukholwa kwetfu.”

Lukha 7:50

Kodvwa Jesu wase utsi kulomfati: “Kukholwa kwakho kukusindzisile, hamba ngekuthula.”

Lukha 7:9

Jesu wamangala nakeva loku, wagucuka wabuka lesicumbi sebantfu lesasimlandzela watsi: “Angizange sengikubone kukholwa lokungaka ngisho naka-Israyeli imbala.”

2 kubaseThesalonika 1:3

Simele kubonga Nkulunkulu ngani, bazalwane, ngaso sonkhe sikhatsi. Yebo, kufanele simbonge, ngobe kukholwa kwenu kuyakhula kakhulu, nelutsandvo lenitsandzana ngalo luyandza.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.